"ამით შევქმნით დაცვის ფარს, რაც დაასრულებს პანდემიას" - ენტონი ფაუჩიმ კორონავირუსის საწინააღმდეგო ვაქცინა პირდაპირ ეთერში გაიკეთა
"ამით შევქმნით დაცვის ფარს, რაც დაასრულებს პანდემიას" - ენტონი ფაუჩიმ კორონავირუსის საწინააღმდეგო ვაქცინა პირდაპირ ეთერში გაიკეთა
აშშ-ის ალერგიისა და ინფექციური დაავადებების ეროვნული ინსტიტუტის დირექტორმა ენტონი ფაუჩიმ, სამედიცინო სფეროს სხვა მაღალჩინოსნებთან ერთად, კორონავირუსის საწინააღმდეგო ვაქცინაცია ჩაიტარა. მედიიის ინფორმაციით, მათ ვაქცინაციისთვის კორონავირუსის წინააღმდეგ ამერიკული კომპანია Moderna-ს ვაქცინა შეარჩიეს.
„მინდა მოვუწოდო ყველას, ვისაც შესაძლებლობა აქვს, რომ ჩაიტაროს ვაქცინაცია. ამით ჩვენ ამ ქვეყანაში შევქმნით დაცვის ფარს, რაც დაასრულებს პანდემიას“, - განაცხადა ფაუჩიმ.
მასთან ერთად ვაქცინაცია ჩაიტარა აშშ-ის ჯანმრთელობისა და ადამიანური სერვისების დეპარტამენტის სახელმწიფო მდივანმა, ალექს აზარმა.
„ახლა ჩვენ ამ ბნელი პერიოდიდან გვირაბის ბოლოს სინათლის დანახვა შეგვიძლია“, - აღნიშნა მან ვაქცინაციისას.
"პირველი ქვეყანა მსოფლიოში, რომელიც პანდემიას გადალახავს" - რას ამბობს ისრაელის პრემიერი, სადაც მოსახლეობას უკვე ერთი კვირაა ვაქცინაცია უტარდება
კორონავირუსის კიდევ ერთი ახალი შტამი ამჯერად ნიგერიაში გამოვლინდა - რა არის ცნობილი ვირუსის ამ სახეობაზე?
