"არავინ არ იცის, სად არის დოდო მამიდა..." - ია ფარულავას თქმით, კოვიდით გარდაცვლილი მამიდის აშშ-დან საქართველოში ჩამოსვენება ვერ მოხერხდა
გადაცემა "ფარული კონვერტის" წამყვანის, ია ფარულავას მამიდის ცხედრის აშშ-დან საქართველოში ჩამოსვენება ვერ მოხერხდა. "კურიერის" ინფორმაციით, კოვიდით გარდაცვლილი ქალი თბილისში დღეს უნდა გადმოესვენებინათ, თუმცა, როგორც აღმოჩნდა, ცხედრის ტრანსპორტირება ამერიკიდან სტამბოლის აეროპორტში მოხდა, თურქეთიდან კი თბილისში მხოლოდ საბუთები გამოიგზავნა.
ტელეწამყვანის თქმით, ჭირისუფლები დილიდან ცდილობენ გაარკვიონ, რატომ ვერ უზრუნველყო კომპანია "ლასარემ" ცხედრის სტამბოლიდან თბილისში ჩამოსვენება. რეისს ავიაკომპანია "თურქიში" ასრულებდა.
"გამთენიისას უნდა ჩამოსულიყო რეისი, ყველა საბუთი გვაქვს... მოგეხსენებათ, მიცვალებულებს საბარგო ნაწილით ჩამოაბრძანებენ და ჰქვია "ბარგი 54". მოხდა ისე, რომ ჩვენი "ბარგი 54" არ ჩამოვიდა. არავინ არ იცის სად არის დოდო მამიდა, ნიუ-იორკში დარჩა, სტამბულშია, თუ სად. ეს ხომ არ არის რაღაც? მიცვალებულზეა საუბარი" - ამბობს ფარულავა.
საქართველოში კორონავირუსით ინფიცირების 1 077 ახალი შემთხვევაა, გარდაიცვალა 8 პაციენტი - განახლებული მონაცემები რეგიონების მიხედვით
რა შედეგით დასრულდა შეხვედრა "ნამახვანჰესის" მოწინააღმდეგეებსა და ხელისუფლების წარმომადგენლებს შორის?
