საცობი "თბილისი მოლთან" დილის 7:00 საათიდან - რა ხდება მას შემდეგ, რაც სავაჭრო ცენტრებმა მუშაობა განაახლეს

დღეს დილიდან კორონავირუსის გავრცელების შეჩერების მიზნით დაწესებული ერთ-ერთი შეზღუვა, რომელიც მაღაზიების მუშაობის შეჩერებას გულისხმობს, მოიხსნა და დილის 7:00 საათიდან სავაჭრო ცენტრებმა მუშაობა განაახლეს.

დილიდან საცობია სავაჭრო ცენტრებთან. საცობის ამსახველ ვიდეოს კი "ფეისბუქზე" ერთ-ერთი მომხმარებელი ავრცელებს.

ცნობისთვის, დღეიდან, 24 დეკემბრიდან 2 იანვრის ჩათვლით გაიხსნება სავაჭრო ცენტრები, არ გაიხსნება ბაზრობები - ტრანსპორტის შეზღუდვა ძალაში რჩება. ამის შესახებ მთავრობის ადმინისტრაციაში გამართულ ბრიფინგზე მაია ცქიტიშვილმა განაცხადა.

მაღაზიების სამუშაო საათები განისაზღვრება დილის 7:00 საათიდან საღამოს 7:00 საათამდე.