"პანდემიის პერიოდში თავდაუზოგავად მუშაობდა..." - მარნეულში გარდაიცვალა 23 წლის ექიმი, რომელმაც კოვიდი რამდენიმე დღის წინ დაამარცხა

"ავერსის" კლინიკების ქსელის მარნეულის ფილიალში 23 წლის ახალგაზრდა ექიმი გიორგი ბუაძე გარდაიცვალა. როგორც AMBEBI.GE-სთვის გახდა ცნობილი, ახალგაზრდა კორონავირუსით, სავარაუდოდ, სამსახურებრივი მოვალეობის შესრულების დროს დაინფიცირდა, გამოჯანმრთელდა და რამდენიმე დღის წინ კვლავ სამსახურში დაბრუნდა.

ადგილობრივები გვიყვებიან, რომ 23 წლის ექიმი სწორედ მარნეულის "ავერსის" კლინიკის საპირფარეშოში ნახეს გარდაცვლილი.

გიორგი ბუაძის კოლეგები ამბობენ, რომ ის ენერგიული ახალგაზრდა ექიმი იყო და კოვიდპანდემიის პერიოდში თავდაუზოგავად მუშაობდა. ის წარმოშობით ონიდან იყო და რუსთავში ცხოვრობდა. შსს-ს ინფორმაციით, ფაქტზე გამოძიება 115 მუხლითაა დაწყებული, რაც თვითმკვლელობამდე მიყვანას გულისხმობს.

ავტორი: მარი ვარდოშვილი