"არადა, რა ლამაზები ვიყავით...მოლებში რიგებში მდგომებს ჩვენი უჟანგბადობა არ ადარდებთ" - კორონავირუსთან მებრძოლი ქართველი ექიმების ფოტოები
ექიმი იზა ჯიქია "ფეისბუქის" პირად გვერდზე თავის და იმ კოლეგების ფოტოებს აქვეყნებს, რომლებსაც კორონავირუსის გამო მთელი დღის განმავლობაში შესაბამისი აღჭურვილობით უწევთ ყოფნა ვირუსისგან თავის დასაცავად.
"არადა, რა ლამაზი გოგონები ვიყავით... ეხლა მთავარია სუნთქვითი ვარჯიშები ჩვენც შევასრულოთ, ღრმად ჩავისუნთქოთ და ამოვისუნთქოთ დღეში რამდენჯერმე, რომ ეკიპირებისას ჰიპოქსიამ ბოლო არ მოგვიღოს, თორემ ჩვენ შოპინგს ვეღარ მოვესწრებით... მოლებში რიგებში მდგომ ჩვენს თანამემამულეებს ჩვენი უჟანგბადობა, გულში ჩხვლეტა, უძილობა, თავბრუსხვევა, გულისრევა, ნერვიულობა, სულაც არ ადარდებთ!!" - წერს იზა ჯიქია.
