როგორია კორონავირუსით ინფიცირებული ამირან გამყრელიძის ჯანმრთელობის მდგომარეობა - "სახლშია...აგრძელებს თვითმონიტორინგს"

კორონავირუსით ინფიცირებული დაავადებათა კონტროლის ეროვნული ცენტრის ხელმძღვანელის, ამირან გამყრელიძის ჯანმრთელობის მდგომარეობა სტაბილურია.

როგორც „ინტერპრესნიუსს“ დაავადებათა კონტროლის ეროვნულ ცენტრში განუცხადეს, ამ ეტაპზე ამირან გამყრელიძეს არანაირი კლინიკური სიმპტომი არ აღენიშნება.

"სახლშია, თვითიზოლაციაშია, აგრძელებს თვითმონიტორინგს“, - აცხადებენ დაავადებათა კონტროლის ეროვნულ ცენტრში.

შეგახსენებთ, დაავადებათა კონტროლის ეროვნული ცენტრის ხელმძღვანელს ამირან გამყრელიძეს კორონავირუსი გუშინ დაუდასტურდა.