"პოლიციელებისთვის უთქვამს, ახალი წლის არ მჯერაო " - რა სურვილი აუსრულეს სამართალდამცველებმა 15 წლის გიორგის?

პოლიციის თანამშრომლები მთელი ქვეყნის მასშტაბით აგრძელებენ სოციალურად დაუცველი ოჯახების დახმარებას. რეგიონებში სამართალდამცველები საკვები პროდუქტებით, საახალწლო საჩუქრებითა და ფულადი თანხებით ეხმარებიან გაჭირვებულ ოჯახებს.

ასე მოხდა სენაკშიც, სადაც პოლიციელებმა 15 წლის გიორგის დიდი ხსნის ოცნება აუსრულეს. მათ მოზარდის ოჯახს ნაძვის ხე, პროდუქტი და ტკბილეული მიუტანეს.

ფაქტის შესახებ წერს ადგილობრივი ეთო კუჭავა, რომელიც პოლიციელების ოჯახში მისვლის ფაქტს შეესწრო.

"15 წლის გიორგის ჩემი მეგობრების უმეტესობა კი იცნობთ. რამდენიმე დღის წინ მეზობლის ბავშვებისთვის უთქვამს, რაც თავი მახსოვს, ჩვენ სახლში ნაძვის ხეც არ დაგვიდგამს და თოვლის ბაბუის ხო საერთოდ როცა უნდა დამეჯერებინა, მაშინაც არ მჯეროდაო.

წელს სულ სხვანაირი ახალი წელი მოდის. პატრულირებაზე მყოფ პოლიციის თანამშრომლებს შეხვედრია გიორგი და გამოლაპარაკებისას მათთვისაც ასე უთქვამს, მე ახალი წლის არ მჯერაო.

არ შემიძლია არ დავწერო, პოლიციის თანამშრომლები გუშინ და დღეს უკვე მესამედ ესტუმრნენ ჩვენ გიორგის, პირველ მოსვლაზე ნაძვის ხე საკუთარი ხელით მოურთეს, ოჯახში მდგომარეობის გაგების შემდეგ - მეორე მოსვლაზე პროდუქტი და ტკბილეული, ახლა კიდე ამოვიდნენ - ტანსაცმელი, საოჯახო ნივთები, თავისით რაც გადახედეს და მიხვდნენ, ოჯახს ჭირდებოდა.

არ შემიძლია არ გაგიზიაროთ, ეს ყველაფერი მადლობა, ყველას ვისაც ამ მძიმე წლის ბოლოს ერთმანეთის გახარება გვსიამოვნებს და გვიხარია. ბედნიერი დამდეგი ახალი წელი!" - წერს ეთო კუჭავა.

პოლიციელებს გაწეული დახმარებისთვის მადლობას უხდის 15 წლის გიორგიც. ის პოსტს "ფეისბუქზე" აქვეყნებს.

"რამდენიმე დღის წინ პოლიციელებს შევხვდი. ჩემთან სახლშიც ამოვიდნენ, ვილაპარაკეთ. სწვალის საქმე, აქეთ იქეთ, მკითხეს, რა პროფესია მინდა. მოკლეთ გადაწყდა, 2021 წლიდან სენაკის პროფში ვირჩევ პროფესიას და, რას ამას მალე მოვიფიქრებ. ნუ მოფიქრებულიც მაქვს, მაგრამ მერე გეტყვით" - წერს გიორგი.