საქართველოში კორონავირუსის ახალი, ე.წ. ბრიტანული შტამი დადასტურდა - როგორია ინფიცირებულის მდგომარეობა
საქართველოში კორონავირუსის ახალი, ე.წ. ბრიტანული შტამი დადასტურდა. აღნიშნული განცხადება ჯანდაცვის სამინისტროში გამართულ პრესკონფერენციაზე დაავადებათა კონტროლის ეროვნული ცენტრი ხელმძღვანელის მოადგილემ პაატა იმნაძემ გააკეთა.
მისი თქმით, ახალ შტამზე გამოიკვლიეს სამი ნიმუში, რომელთაგან ორზე უარყოფითი პასუხი მოვიდა, მესამე შემთხვევაში კი ახალი შტამი დადასტურდა.
ინფიცირებული 50 წელს გადაცილებული პირია, რომელიც თავს კარგად გრძნობს და თვითიზოლაციაში იმყოფება.
პაატა იმნაძის განცხადებით, მიმდინარეობს მისი კონტაქტის ბიოლოგიური მასალის კვლევაც. იმნაძის ინფორმაციით, ახალი შტამით ინფიცირებული პირი ბრიტანეთში არ ყოფილა, თუმცა იმნაძე არ აკონკრეტებს, რომელ ქვეყანაში მოგზაურობის ისტორია აქვს მას.
ეპიდემიოლოგის თქმით, კორონავირუსის ახალი შტამით ინფიცირებული უკვე პრაქტიკულად გამოჯანმრთელებულია.
პაატა იმნაძის განცხადებით, ახალი შტამი არ გამოირჩევა ახალი კორონავირუსისგან სიმძიმის ან ლეტალობის მაჩვენებლით, თუმცა არსებული შტამისგან განასხვავებს მაღალი გადამდებობა, ამიტომ, როგორც იმნაძე ამბობს, უსაფრთხოების ზომების დაცვას კიდევ უფრო დიდი მნიშვნელობა აქვს.
"ინფიცირებულთა ზრდა დამოკიდებულია იმაზე, როგორ მოულხინეს ჩვენმა თანამოქალაქეებმა საახალწლო სუფრებთან" - რას ამბობენ სპეციალისტები მომდევნო დღეების მაჩვენებლებზე
"ამ ეტაპისთვის მეცნიერული საფუძვლები არ გვაქვს, ვივარაუდოთ, რომ ის მეტად აქტიურად აზარალებს ახალგაზრდებს" - რას ამბობს თამარ გაბუნია Covid 19-ის ახალ შტამზე
