ავტორი:

"ამაში თავზარდამცემი არაფერია" - რას წარმოადგენს კორონავირუსის ახალი შტამი, რომლის პირველი შემთხვევა საქართველოშიც დაფიქსირდა

"ამაში თავზარდამცემი არაფერია" - რას წარმოადგენს კორონავირუსის ახალი შტამი, რომლის პირველი შემთხვევა საქართველოშიც დაფიქსირდა

საქართველოში კორონავირუსის ახალი, ე.წ. ბრიტანული შტამი დადასტურდა. ამის შესახებ ჯანდაცვის სამინისტროში გამართულ პრესკონფერენციაზე ჟურნალისტებს დაავადებათა კონტროლის ეროვნული ცენტრი ხელმძღვანელის მოადგილემ პაატა იმნაძემ განუცხადა.

მისი თქმით, ახალ შტამზე გამოიკვლიეს სამი ნიმუში, რომელთაგან ორზე უარყოფითი პასუხი მოვიდა, მესამე შემთხვევაში კი ახალი შტამი დადასტურდა.

ინფიცირებული 50 წელს გადაცილებული პაციენტია, რომელიც თავს კარგად გრძნობს და იზოლაციაში იმყოფება. პაატა იმნაძის თქმით, მიმდინარეობს მისი კონტაქტის ბიოლოგიური მასალის კვლევაც. პაატა იმნაძის განცხადებით, ახალი შტამით ინფიცირებული პირი ბრიტანეთში არ ყოფილა, თუმცა იმნაძე არ აკონკრეტებს, რომელ ქვეყანაში მოგზაურობის ისტორია აქვს მას. ეპიდემიოლოგის თქმით, კორონავირუსის ახალი შტამით ინფიცირებული უკვე პრაქტიკულად გამოჯანმრთელებულია. პაატა იმნაძის განცხადებით, ახალი შტამი არ გამოირჩევა ახალი კორონავირუსისგან სიმძიმის ან ლეტალობის მაჩვენებლით, თუმცა არსებული შტამისგან განასხვავებს მაღალი გადამდებობა, ამიტომ, როგორც იმნაძე ამბობს, უსაფრთხოების ზომების დაცვას კიდევ უფრო დიდი მნიშვნელობა აქვს.

  • რა ვიცით კორონავირუსის ახალ ე.წ. ბრიტანულ შტამზე?

2020 წლის დეკემბრის შუა რიცხვებში გაერთიანებულ სამეფოში კორონავირუსის მუტაციით გამოწვეული ახალი ეპიდაფეთქება დაფიქსირდა. მოგვიანებით გაირკვა, რომ კორონავირუსის ახალი შტამი ცნობილ სახეობაზე 70%-ით მეტად გადამდებია. ეს ინფორმაცია გაერთიანებული სამეფოს პრემიერ-მინისტრმა ბორის ჯონსონმა სამეცნიერო კვლევაზე დაყრდნობით გაავრცელა. ამ შემაშფოთებელი ცნობის პარალელურად გავრცელდა იმედისმომცემი სიახლეც - ეპიდემიოლოგები ამბობენ, რომ ახალი შტამი sars cov 2- თან შედარებით გაცილებით ნაკლებად აგრესიულია. როგორია კორონავირუსის ახალი შტამის გავრცელების დინამიკა მსოფლიოში და როგორ შეხვდა საქართველო კორონავირუსის კიდევ ერთ ახალ სახეობას - ambebi.ge-ს ინფექციონისტი ალექსანდრე გოგინავა ესაუბრა:

"მსოფლიოში აქტიურად ვრცელდება ახალი ვორუსი, რომელიც კიდევ უფრო იოლად გადამდებია, ვიდრე covid-19. ევროპის არაერთ ქვეყანაში დაფიქსრიდა აქტიური გავრცელების პროცესი. რაც შეეხება საქართველოს, დაავადებათა კონტროლის ეროვნულ ცენტრს უკვე აქვს გენეტიკურად გაშიფრული ეს ვირუსი და მისი აღმოჩენა და იდენტიფიცირება უკვე ადვილად მოხდება. გავრცელებული ინფორმაციით, საქართველოშიც დაფიქსირდა პირველი შემთხვევა, თუმცა ამაში თავზარდამცემი არაფერია, რადგან ეს არის უკვე გავრცელებული კორონავირუსის სახეცვლილება და მასთან ბრძოლა ჩვენთვის უცხო არ იქნება. ამასთანავე, ცნობილია, რომ იგი გაცილებით ნაკლები აგრესიულობით გამოირჩევა და დაავადების მიმდინარეობაც, წესით, უფრო მსუბუქი იქნება".

ექნება თუ არა ეფექტი ვირუსის ახალ შტამზე covid-19-ის წინააღმდეგ უკვე შექმნილ ვაქცინებს, ამ კითხვაზე ალექსანდრე გოგინავას ერთმნიშვნელოვანი პასუხის გაცემა უჭირს, თუმცა ამბობს, რომ დიდი შანსია, რომ ასე მოხდეს.

"ამაზე მიმდინარეობს სერიოზული კვლევები. ჯერ ეს არავინ იცის დაზუსტებით, მაგრამ თუ გავითვალისწინებთ იმას, რომ ესეც კორონავირუსია, უბრალოდ, რამდენადმე შეცვლილი აგებულებით, დიდი შანსია, რომ იგი უკვე არსებულ ვაქცინებს დაემორჩილოს. ასეც რომ არ მოხდეს, ვაქცინის მოდერაციაც არის შესაძლებელი და ეს გაცილებით იოლია, ვიდრე ახალი ვაქცინის შექმნა", - ამბობს ექიმი.

"ინფიცირებულთა ზრდა დამოკიდებულია იმაზე, როგორ მოულხინეს ჩვენმა თანამოქალაქეებმა საახალწლო სუფრებთან" - რას ამბობენ სპეციალისტები მომდევნო დღეების მაჩვენებლებზე

"ამ ეტაპისთვის მეცნიერული საფუძვლები არ გვაქვს, ვივარაუდოთ, რომ ის მეტად აქტიურად აზარალებს ახალგაზრდებს" - რას ამბობს თამარ გაბუნია Covid 19-ის ახალ შტამზე

"დღეისთვის კორონავირუსის 1200-მდე მუტაციაა დაფიქსირებული - ითვლება, რომ კორონავირუსმა თვის განმავლობაში, შესაძლოა, 2 მუტაცია განიცადოს" - ივანე ჩხაიძე