ბათუმში, კორონავირუსული ინფექციით 22 წლის გოგონა გარდაიცვალა - რა განაცხადეს კლინიკაში?

ბათუმში, კორონავირუსული ინფექციით 22 წლის გოგონა გარდაიცვალა. როგორც ბათუმის საერთაშორისო საუნივერსიტეტო ჰოსპიტალში განაცხადეს, კლინიკაში გოგონა 12 დეკემბერს მოათავსეს. მას ორმხრივი პნევმონია აღენიშნებოდა. კლინიკის ინფორმაციით, ბოლო დღეებში პაციენტის მდგომარეობა დამძიმდა და მისი გადარჩენა ვერ მოხერხდა.

''გოგონა 12 დეკემბერს შემოვიდა ჩვენთან. უკვე ქონდა ფილტვის დაზიანების მაღალი ინდექსი, ლაპარაკია 20%-იან ორმხირივ პნევმონიაზე, სუნთქვის გართულებით. რამდენიმე დღეში მდგომარეობა კიდევ უფრო დამძიმდა და 26 დეკემბერს გადაიყვანეს ხელოვნური სუნთქვის აპარატზე. ექიმებს მუდმივად ქონდათ კონსულტაციები წამყვან მედიკოსებთან, როგორც ქვეყნის შინგნით, ისევე ფარგლებს გარეთ. სამწუხაროდ, დღეს 12 საათზე გარდაიცვალა", - აცხადებენ კლინიკაში.