დატბორილი სახლები, ეზოები და სათბურები - უხვმა ნალექმა იმერეთში პრობლემები შექმნა (ფოტოები)

უხვმა ნალექმა იმერეთში გარკვეული პრობლემები შექმნა. პრობლემებია სამტრედიის, წყალტუბოს და ხარაგაულის მუნიციპალიტეტებში. განსაკუთრებით დაზარალდა სამტრედიის სოფელი ბაში.

დაიტბორა საცხოვრებელი სახლები, ეზოები და სათბურები. მოსახლეობის თქმით, პრობლემა გაუწმინდავმა არხებმა გამოიწვია, არაერთეხელ ითხოვეს გაწნენდა, თუმცა პრობლემა კვლავ რჩება.

ისინი დახმარებას ითხოვენ და ამბობენ, რომ სათბური მათი ერთადერთი შემოსავალია. მუნიციპალიტეტის მერის თქმით, მოხდება არხების გაწმენდა და ზარალის დათვლა. მისივე ინფორმაციით, მაღალმთიან სოფლებში მეწყრული პროცესები განვითარდა. ადგილზე ტექნიკა უკვე მუშაობს.