ავტორი:

გურჯაანის რაიონში 3 ადამიანი დაჭრეს - "კონფლიქტი ერთ-ერთ სუფრაზე დაიწყო..."

გურჯაანის რაიონში 3 ადამიანი დაჭრეს - "კონფლიქტი ერთ-ერთ სუფრაზე დაიწყო..."

გურჯაანში, სავარაუდოდ, ცივი იარაღით სამი ადამიანი დაჭრეს. შემთხვევა სოფელ ზეგაანში მოხდა.

ადგილობრივების ინფორმაციით, კონფლიქტი ერთ-ერთ სუფრაზე დაიწყო, რის შემდეგ სამ ახალგაზრდა მამაკაცს მათთვის უცნობმა პირმა ცივი იარაღით მრავლობითი ჭრილობები მიაყენა.

სამივე მათგანი გურჯაანის "ჯეო ჰოსპიტალსის" საავადმყოფოში გადაიყვანეს.

ექიმის თქმით, დაშავებულებს დაზიანებები გულ-მკერდის და მუცლის არეში აქვთ მიყენებული. ერთს ამ წუთებში ქირურგიული ოპერაცია ჩაუტარდა.

შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ცხელ კვალზე ჩატარებული საგამოძიებო და ოპერატიული ღონისძიებების შედეგად, გურჯაანის მუნიციპალიტეტში მომხდარი სამი პირის დაჭრის ფაქტი გახსნეს, დაკავებულია 1970 წელს დაბადებული გ.გ.

შსს-ს ინფორმაციით, დანაშაული 9-⁠დან 13 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 15 იანვარს, გურჯაანის მუნიციპალიტეტში ბრალდებულმა ურთიერთშელაპარაკების გამო ცივი იარაღით სხეულზე ჭრილობები მიაყენა სამ პირს და მიიმალა. სამივე დაშავებული გადაყვანილი არიან კლინიკაში და შესაბამისი მკურნალობა უტარდებათ. სამართალდამცველებმა ბრალდებული დანაშაულის ჩადენიდან მალევე ერთ-ერთ ფერმაში დააკავეს.

ორი ან მეტი პირის მიმართ ჩადენილ ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის მე-7 ნაწილით მიმდინარეობს.

სისხლიანი გარჩევა გურჯაანში - მოკლულია ახალგაზრდა მამაკაცი და დაჭრილია ორი პირი

"იმ დღეს დამირეკა, მითხრა, რომ პრობლემები ჰქონდა ქმართან და სასწრაფოდ საქართველოში უნდოდა წამოსვლა" - თურქეთში 24 წლის გოგოს მკვლელობის ბრალდებით ქმარი დააკავეს

საქართველო-რუსეთის საზღვარზე სატვირთო მანქანების მძღოლებს შორის კონფლიქტს მკვლელობა მოჰყვა - რა ინფორმაციას ავრცელებს რუსული მედია