მამუკა ხაზარაძე: "ბაიდენს რომ ვუსმენდი, მეგონა, ჩვენი პროგრამა ჰქონდა"
"ლელო საქართველოს" ლიდერმა მამუკა ხაზარაძემ ტელეკომპანია "პირველის“ ეთერში განცხადა, რომ აშშ-ს პრეზიდენტის ჯო ბაიდენის საინაუგურაციო სიტყვამ მას თავისი პროგრამა გაახსენა.
"პოლიტიკაში არ მოვსულვარ იმისთვის, რომ თბილი ადგილი მოვიძებნო. ეს მიზანი არასდროს მქონია ცხოვრებაში. მოვედი იმისთვის, რომ ხელებდაკაპიწებულმა მივაღწიო თითოეულ თქვენგანთან ერთად, აზრთა სხვადასხვაობის მიუხედავად, მივაღწიო ამ ქვეყნის გაერთიანებას. ეს არის ჩემი ძალიან დიდი მიზანი. დიდი მიზანი და ამბიცია თუ არ გაქვს, პოლიტიკასაც თავი უნდა დაანებო. ჩვენ გვაქვს დიდი გამოწვევა - ქვეყნის გაერთიანება და დიდი გამოწვევა - ქვეყნის ეკონომიკური სიძლიერე", - განაცხადა ხაზარაძემ.
ამ განცხადების შემდეგ გადაცემა "საჯარო პოლიტიკის“ წამყვანმა აღნიშნა, რომ მისი რეპონდნეტი აშშ-ის ახალარჩეული პრეზიდენტის, ჯო ბაიდენის სიტყვებით ლაპარაკობდა.
"ბაიდენს რომ ვუსმენდი, მეგონა, ჩვენი პროგრამა ჰქონდა, ასე ვთქვათ. ეს არის ჩვენი პროგრამა, რომელიც მარშალის გეგმაშიც ასახული იყო", - აღნიშნა ხაზარაძემ.
LIVE - ეთერშია გადაცემა "რეზიუმე"
"პოლიტიკური მოვლენები საქართველოში წუხილს იწვევს - ბატონო პრემიერო, მოგიწოდებთ..." - სტოლტენბერგის მიმართვა ღარიბაშვილს და დეტალები პრესკონფერენციიდან
