ავტორი:

ალექსეი ნავალნის მხარდამჭერ აქციაზე 125-ზე მეტი ადამიანი დააკავეს - რა ვითარებაა რუსეთის ქალაქებში

ალექსეი ნავალნის მხარდამჭერ აქციაზე 125-ზე მეტი ადამიანი დააკავეს - რა ვითარებაა რუსეთის ქალაქებში

რუსეთის ქალაქებში ოპოზიციონერი პოლიტიკოსის, ალექსეი ნავალნის გათავისუფლების მოთხოვნით საპროტესტო აქციები დაიწყო. გამოცემა Meduza-ს ინფორმაციით, სპეცრაზმმა ვლადივოსტოკში მომიტინგეები ძალის გამოყენებით დაშალა და 20-ზე მეტი ადამიანი დააკავა.

საპროტესტო აქციის მონაწილეებმა ნოვოსიბირსკში „წითელი გამზირიდან“ „ლენინის მოედნამდე“ მსვლელობა მოაწყვეს. Тайги.инфо-ს ინფორმაციით, ამ დროისთვის ქალაქში აქციის 8 მონაწილეა დაკავებული.

მიტინგი იმართება ქალაქ ულან-უდეშიც, სადაც დემონსტრანტები სკანდირებენ : „თავისუფლება.“ ვრცელდება ინფორმაცია ერთი ადამიანის დაკავების შესახებ.

რაც შეეხება რუსეთის დედაქალაქს, გამოცემა Meduza-ს ცნობით, საპროტესტო აქცია მოსკოვშიც დაიწყო და სამართალდამცავებმა დააკავეს მამაკაცი, რომელსაც ხელში ეჭირა პლაკატი წარწერით : „არ მეშინია!“

ორგანიზაცია OVD-info-ს მონაცემებით, ამ დროისთვის, რუსეთის მასშტაბით, 125-ზე მეტი ადამიანია დაკავებული.

ცნობისათვის საპროტესტო აქციის, სლოგანით „თავისუფლება ნავალნის!“, გამართვა დღეს რუსეთის 93 ქალაქში იგეგმება.

ბერლინიდან მოსკოვში დაბრუნებული რუსი ოპოზიციონერი პოლიტიკოსი, ალექსეი ნავალნი, აეროპორტში 17 იანვარს დააკავეს. მეორე დღეს სასამართლომ ნავალნის 30-დღიანი წინასწარი პატიმრობა შეუფარდა. რუსეთის ხელისუფლება ნავალნის მის მიერვე დაფუძნებული ორგანიზაციის, “ანტიკორუფციული ფონდის” კუთვნილი თანხების თაღლითურად მითვისებაში ადანაშაულებს.

"წადით და ჩაიტარეთ ვაქცინაცია. ის მუშაობს" - ისრაელში, ვაქცინაციის შედეგად, 60 წელს გადაცილებულ მოსახლეობაში კოვიდით ინფიცირების შემთხვევები განახევრდა

ტერორისტული თავდასხმის დაგეგმვის ბრალდებით, ირანელ დიპლომატს ბელგიაში 20 წელი მიუსაჯეს

აშშ-ის პერსონალური სანქციები პუტინს? - სენატორებმა წარადგინეს კანონპროექტი, რომელიც რუსეთის ოფიციალური პირებისთვის სანქციებს ითვალისწინებს