ავტორი:

"ენა გააჩერე! სიზმარში ხომ გელანდებოდა? კიდევ მოგელანდება" - პროცესზე გიორგი შაქარაშვილის დედის განცხადებები ბრალდებულებმა გააპროტესტეს

"ენა გააჩერე! სიზმარში ხომ გელანდებოდა? კიდევ მოგელანდება" - პროცესზე გიორგი შაქარაშვილის დედის განცხადებები ბრალდებულებმა გააპროტესტეს

"ტვ პირველი" გიორგი შაქარაშვილის დედის თამუნა შალვაშვილის სასამართლო ჩვენების აუდიოჩანაწერს აქვეყნებს. იმ დღეს, როდესაც მოკლული ფეხბურთელის დედამ ჩვენება მისცა, დარბაზში იმყოფებდნენ არჩილ გაგნიძე, ნიკოლოზ რევაზიშვილი, ვახტანგ ჩიქოვანი და არასრულწლოვანი ბრალდებულებიც.

"ჩემთვის საკმარისია ის მტკიცებულებეი, რაც პროკურატურას აქვს, მოვითხოვ უმკაცრეს სასჯელს. ესენი არიან მკვლელები! ბავშვი იყო აბსოლუტურად უდანაშაულო და მომიკლეს. რა მდგომარეობაში ვიქნები, წარმოიდგინეთ. უცხო ადამიანები მწერენ და მოითხოვენ, რომ ლინჩის წესით გასამართლდნენ დამნაშავეები, მე ვაკავებ მათ. მადლობა მოიხადეთ, რომ კანონიერ ფარგლებს არ გავცდი ეს გამწარებული" - აღნიშნა სასამართლო დარბაზში თამუნა შალვაშვილმა.

შვილმკვდარი დედის ემოციურ განცხადებებს დაკავებულების პროტესტი მოჰყვა:

თამუნა შალვაშვილი: თქვენ აზრზე არ ხართ, ვინ მოკალით

არჩილ გაგნიძე: ჩვენ არავინ მოგვიკლავს, ქალბატონო

თამუნა შალვაშვილი: ენა გააჩერე, სიზმარში ხომ გელანდებოდა? კიდევ მოგელანდება! ჩემი შვილი სახე კარგად დაიმახსოვრე, ჩემი შვილის საფლავზე დღემდე ხალხი არ წყდება და თქვენს საფლავზე ძაღლი არ მივა.

თამუნა შალვაშვილი: ამხელა კაცები უდანაშაულო ბავშვებს როგორ აგინებდით?! მაპატიეთ, თავს ვერ ვიკავებ

ნიკოლოზ რევაზიშვილი: მეც ვერ ვიკავებ და რა გავაკეთო. არავინ მომიკლავს და არავისთვის შემიგინებია.

სასამართლო დარბაზში შაქარაშვილის დედამ მკვლელობის დღე გაიხსენა. როგორც მან აღნიშნა, გიორგი დაბადების დღეზე წასასვლელად ერთი კვირით ადრე ემზადებოდა.

"როდესაც სამსახურში წავედი, ბავშს ეძინა. შემდეგ გვქონდა კომუნიკაცია მესენჯერის საშუალებით. ვკითხე, წახვედითქო, მიპასუხა, რომ სალონში აპირებდა ჯერ წასვლას" - აღნიშნა თამუნა შალვაშვილმა.

მისი თქმით, შვილს ბოლოს, 18 ივნისს ღამის 12 საათზე ელაპარაკა, რა დროსაც გიორგიმ უთხრა, რომ წვეულების გაგრძელებას ლისზე აპირებდნენ. ამ ზარიდან რამდენიმე საათში თამარ შალვაშვილს გურამ ამირხანაშვილმა შეატყობინა, რომ გიორგი შაქარაშვილი დაიკარგა.

ამბობს, რომ დაკარგული შვილის მოსაძებნად თავად წავიდა.

"აგარაკზე ვეძებდი. ვერასოდეს წარმოვიდგენდი ასეთ რამეს. ძალიან მშვიდი ბავშვი იყო... გურამმა ყველაფერი მომიყვა, რომ ბავშვებს ჩხუბი მოუვიდათ, მაჩვენა ის გზაც, რა გზაც გაიარეს. იქ ვეძებდი, ხმამაღლა ვეძახდი ბავშვს, მეგონა ან ფეხი მოიტეხა ან რაღაც, უბედურ შემთხვევას ვერ წარმოვიდგენდი" - აღნიშნა თამუნა შალვაშვილმა.

ცოლის წამების ფაქტზე პროკურატურამ მამაკაცს ბრალდება წარუდგინა  - "4-5 საათი ფიზიკურ შეურაცხყოფას აყენებდა, ხელებით და ფეხებით ურტყამდა"

"მეც და ნატალიაც მართლები ვართ" - ივერი მელაშვილისა და ნატალია ილიჩოვას საქმის პირველი არსებითი განხილვა დღეს იმართება

"დაცვის მხარე გვეცოდებოდა, ირონიულ მდგომარეობაში იყვნენ და არ იცოდნენ დასკვნით სიტყვაში რა ელაპარაკათ" - შაქარაშვილის საქმის პროკურორი