"ქვეყანა გაჩერებულია, მოგვეცეს მუშაობის შესაძლებლობა" - რესტორატორები რეგულაციების მოხსნის მოთხოვნით აქციას მართავენ
რესტორატორები კორონავირუსის პრევენციისთვის დაწესებული რეგულაციების მოხსნის მოთხოვნით აქციას მართავენ. ისინი თავდაპირველად პუშკინის სკვერში შეიკრიბნენ, საიდანაც მსვლელობით მთავრობის ადმინისტრაციისკენ გადაინაცვლეს. მათი თქმით, დაწესებულმა შეზღუდვებმა სარესტორნო ბიზნესი მძიმე მდგომარეობაში ჩააგდო.
შესაბამისად, მთავრობის ადმინისტრაციასთან მთავრობას რეგულაციების მოხსნისკენ მოუწოდებენ. “რესტორატორთა ასოციაციის” ხელმძღვანელის, შოთა ბურჯანაძის განცხადებით, დღეისთვის ბოიკოტს კვების 206 ობიექტი აცხადებს და ამგვარად ცდილობენ, რომ ხელისუფლებას მიაწვდინონ ხმა, რადგან თუ სარესტორნო სფერო არ გაიხსნება, მისი ლიკვიდაცია მოხდება.
"დღეს, ქვეყანა არის გაჩერებული. ჩვენი მოთხოვნაა, რომ მუშაობის შესაძლებლობა მოგვეცეს. 250 000 ადამიანია დღეისთვის დასაქმებული, რომლებსაც მუშაობის საშუალება არ აქვთ. ვითხოვთ, რომ მათ მიეცეთ ოჯახის რჩენის შესაძლებლობა", - განაცხადა შოთა ბურჯანაძემ.
მისი თქმით, ამ აქციით არავის “ემუქრებიან და არავის ჯინაზე არ მოქმედებენ".
"ერთი იძახის, რომ სხვისია ეს მიწა, ვინ ხარ შენ, ვინ გეკითხება, დაეტიე, სადაც ხარ? - ჩვენ გავარკვევთ, თუ სახელმწიფოს არ შეუძლია" - მეუფე იაკობი კარტოგრაფებსა და გარეჯზე
ინფორმაცია მშობლებისთვის - რა უნდა იცოდეთ იმ სკოლებთან დაკავშირებით, სადაც ხვალიდან სწავლა საკლასო ოთახებში განახლდება
