ავტორი:

„ქუთაისის საერთაშორისო უნივერსიტეტი, მართლაც რომ, საოცნებო უნივერსიტეტია“ - მენეჯმენტის პროგრამის სტუდენტი გვანცა დანელია

„ქუთაისის საერთაშორისო უნივერსიტეტი, მართლაც რომ, საოცნებო უნივერსიტეტია“ - მენეჯმენტის პროგრამის სტუდენტი გვანცა დანელია

გაგაცნობთ გვანცა დანელიას, ის KIU-ს მენეჯმენტის პროგრამის სტუდენტია. ამჟამად თანატოლებთან ერთად უნივერსიტეტის შიდა პროექტშია ჩართული, რომელიც KIU-ს განვითარების მიზნით ახალგაზრდების აქტიურ მონაწილეობას გულისხმობს. სტუდენტების უმეტესობის მსგავსად, გვანცამაც წარადგინა საკუთარი იდეები და იმედი აქვს, რომ მოწონებას დაიმსახურებს.

ოქროს მედალოსანმა გოგონამ სკოლა თბილისში (№169-ე) დაამთავრა. საკლასო მეცადინეობების პარალელურად, უამრავ ოლიმპიადაში, საგანმანათლებლო და სოციალურ პროექტში იყო ჩართული. მისი ინტერესის სფერო მრავალფეროვანია, გატაცებულია ეკოლოგიით, ჭადრაკით, ბოტანიკით, კინოხელოვნებით, სპორტით. პასუხისმგებლობის მაღალი ხარისხი სხვებისგან გამოარჩევს, თავდაუზოგავი შრომის უნარი კი ეხმარება დასახული მიზნების მიღწევაში.

ქუთაისის საერთაშორისო უნივერსიტეტში ჩაბარებას მისი ცხოვრების საუკეთესო გადაწყვეტილებად მიიჩნევს. მოსწონს საგანმანათლებლო პროგრამები, აღფრთოვანებულია უცხოელი და ქართველი პროფესორებით, დაწესებული შეღავათებით, მიდგომებით, KIU-ს ტექნიკური ბაზითა და ინფრასტრუქტურით.

„ქუთაისის საერთაშორისო უნივერსიტეტში ჩაბარება ჩემს ცხოვრებაში მიღებული საუკეთესო გადაწყვეტილებაა. მე ვსარგებლობ როგორც აკადემიური, ისე სოციალური სახის დაფინანსებებით. ერთ-ერთი მნიშვნელოვანი ფაქტორი, რის გამოც თავის დროზე ამ უნივერსიტეტში ჩაბარება გადავწყვიტე, სწორედ რომ, KIU სტუდენტური გრანტების ფონდის არსებობაა.

KIU ბევრ რამეში დამეხმარა, პირველ რიგში ჩემი სოციალური უნარების განვითარებაში. აქ შევიძინე საერთო ინტერესებისა და მიზნების მქონე უამრავი მეგობარი, ვისწავლე გუნდური მუშაობა. ქუთაისის საერთაშორისო უნივერსიტეტი, მართლაც რომ, საოცნებო უნივერსიტეტია.“ - გვანცა დანელია.

შეგახსენებთ, რომ ქუთაისის საერთაშორისო უნივერსიტეტმა(KIU) სტუდენტების პირველი ნაკადი ბაკალავრიატის სამ ინგლისურენოვან პროგრამაზე (მენეჯმენტი, მათემატიკა და კომპიუტერული მეცნიერება) მიიღო. პირველ წელს 1112 აბიტურიენტმა გამოხატა სურვილი გამხდარიყო KIU-ს სტუდენტი, ხოლო უნივერსიტეტის მიერ დაწესებული მაღალი ბარიერი 245-მა ახალგაზრდამ გადალახა.

KIU ქუთაისში, ეკოლოგიურად სუფთა გარემოში მდებარეობს. კამპუსი 153 ჰექტარ მიწაზეა გაშენებული და მოიცავს ულტრათანამედროვე აკადემიურ კორპუსებს, ბიბლიოთეკებს, კაფეტერიებს, კეთილმოწყობილ სასპორტო და საგზაო ინფრასტრუქტურას, საერთო სამუშაო სივრცეებს, სტუდენტურ საცხოვრებლებს, ასევე საცხოვრებლებს აკადემიური და ადმინისტრაციული პერსონალისთვის. საუნივერსიტეტო ქალაქის განვითარება და მშენებლობა ეტაპობრივად მიმდინარეობს.

უნივერსიტეტის მიზანია, რომ 2020 წლიდან მოყოლებული ეტაპობრივად გახდეს რეგიონში განათლების, მეცნიერებისა და ტექნოლოგიების საერთაშორისო ცენტრი, რის შედეგადაც საქართველო მოწინავე ადგილს დაიკავებს საერთაშორისო საგანმანათლებლო და სამეცნიერო არენაზე.

NS

ჯანდაცვის სამინისტროში კოვიდთან დაკავშირებული ხარჯების კანონთან შესაბამისობას აუდიტის სამსახური შეისწავლის

ბოლო დღე-ღამეში ჩატარებულმა 9 056-მა ტესტმა 240 ახალი ინფიცირებული გამოავლინა, განიკურნა 681 პაციენტი - როგორია გარდაცვალების მაჩვენებელი

"ერთია, რა გვინდა ქართველებს, რა არის საქართველოს ინტერესი..." - რა განმარტებას აკეთებს ივერი მელაშვილი მის სკანდალად ქცეულ განცხადებაზე?