"სპარში" შეიარაღებული არასრულწლოვნები შეიჭრნენ - დაკავებულია 2 პირი
სუპერმარკეტების ქსელ "სპარის" ფილიალში შეიარაღებული არასრულწლოვნები შეიჭრნენ და მარკეტის დაყაჩაღებას შეეცადნენ. "კურიერის" ინფორმაციით, თავდამსხმელები დანით და ცეცხლსასროლი იარაღით იყვნენ შეიარაღებულნი.
ჩიტაიას ქუჩაზე მდებარე მარკეტში შემთხვევა დილის 7 საათზე მოხდა. წინასწარი ინფორმაციით, არასრულწლოვნები სანადირო თოფის მუქარით ნავაჭრ თანხას მოითხოვდნენ, რა დროსაც მათი განიარაღება მაღაზიის მენეჯერმა შეძლო. მალევე შემთხვევის ადგილზე საპატრულო პოლიცია მივიდა და დამნაშავეები დააკავა.
საპატრულო პოლიციის თბილისის მთავარი სამმართველოს უფროსის თქმით, გამოძიება დაწყებულია სს კოდექსის 179-ე და 236-ე მუხლების ქვეპუნქტებით, რაც ითვალისწინებს ჯგუფურ ყაჩაღობას, ცეცხლსასროლი იარაღის გამოყენებით.
ორივე თავდამსხმელი დაკავებულია. მაღაზიის თანამშრომლები კი დაკითხვაზე არიან გადაყვანილნი.
"თვითონ დაურეკავს პოლიციაში, მოდით, მშობლები დავხოცეო" - თელავში მომხდარი სამმაგი მკვლელობის რა ახალი დეტალები ხდება ცნობილი
2020 წლის 9 თვის მონაცემებით, საქართველოში 19 ქალი მოკლეს, 20 - ის მიმართ კი მკვლელობის მცდელობას ჰქონდა ადგილი - საია
