ორშაბათიდან საქართველოს მასშტაბით ამოქმედდება მუნიციპალური ტრანსპორტი - პრემიერი
ორშაბათიდან საქართველოში სრული მასშტაბით ამოქმედდება მუნიციპალური ტრანსპორტი. გადაწყვეტილების შესახებ პრემიერ-მინისტრმა მთავრობის სხდომაზე განაცხადა.
"ინფიცირების მაჩვენებელი ჩამოვიდა 4%-ზე ქვემოთ, რაც გვაძლევს შესაძლებლობას გავაგრძლოთ შეზღუდვების შემსუბუქება. მსჯელობის შედეგად ორშაბათიდან საქართველოში სრული მასშტაბით ამოქმედდება მუნიციპალური ტრანსპორტი, რაც ნიშნავს, რომ მუნიციპალური ტრანსპორტი ამოქმედდება თბილისში, ქუთაისსა და რუსთავშიც, მეტრო, ავტობუსი და მიკროავტობუსები" - აღნიშნა გახარიამ.
პრემიერის თქმით, დღეს ქვეყანაში კორონავირუსის გავრცელების კუთხით არსებული ვითარება, იძლევა საშუალებას მიიღონ გადაწყვეტილება გარკვეული მიმართულებების შემსუბუქების თაობაზე. ამის ფარგლებში, 8 თებერვლიდან აღდგება მუნიციპალური ტრანსპორტისა და ბაზრობების ფუნქციონირები, სკოლები კი 15 თებერვლიდან განაახლებენ სწავლას.
აღსანიშნავია რომ, კორონავირუსის გამო დაწესებული შეზღუდვები შაბათ-კვირას შენარჩუნდება.
რა წესების დაცვა მოგიწევთ 8 თებერვლიდან მიკროავტობუსებით მგზავრობისას - "თბილისის მიკროავტობუსი" სპეციალურ განცხადებას ავრცელებს
კორონავირუსის 602 ახალი შემთხვევა და 11 გარდაცვლილი - რომელ რეგიონში დაფიქსირდა ყველაზე მაღალი მაჩვენებელი და რამდენ ადამიანს ჩაუტარდა ტესტირება
