ავტორი:

"კომენდანტის საათი" ერთ-ერთი ყველაზე დამამცირებელი შეზღუდვაა, ვაპირებთ, რომ ეს რეგულაცია დემონსტრაციულად დავარღვიოთ" - ჯაფარიძე

"კომენდანტის საათი" ერთ-ერთი ყველაზე დამამცირებელი შეზღუდვაა, ვაპირებთ, რომ ეს რეგულაცია დემონსტრაციულად დავარღვიოთ" - ჯაფარიძე

"გირჩის" ლიდერის,ზურაბ ჯაფარიძის განცხადებით, პარლამენტთან შეკრებილი ადამიანები აპირებენ, რომ 21:00 საათის შემდეგ დაწესებული რეგულაცია, რომელიც გადაადგილების შეზღუდვას გულისხმობს, დემონსტრაციულად დაარღვიონ. ჯაფარიძის თქმით, პროტესტი შედეგს აუცილებლად გამოიღებს.

"ზოგადად, ყველა შეზღუდვის მოხსნას ვითხოვ, თუმცა დღეს კონკრეტულად "კომენდანტის საათს” ვაპროტესტებთ, რომელიც არის ერთ-ერთი ყველაზე დამამცირებელი შეზღუდვა. თვეებია 21:00 საათის მერე სახლიდან თავის გამოყოფის უფლებას არ გვაძლევენ. ამას არანაირი რაციონალური ახსნა არ აქვს.

აქ ვიკრიბებით ადამიანები, რომლებიც ვაპირებთ, რომ დემონსტრაციულად დავარღვიოთ სახელმწიფოს ეს რეგულაცია, მიუხედავად იმისა, რომ ამისთვის სახელმწიფოს რაღაც სანქციები აქვს გათვალისწინებული. საბოლოო ჯამში პროტესტი შედეგს აუცილებლად გამოიღებს.

არ ნიშნავს რომ დღევანდელი ღამის შემდეგ მთავრობა გაფუცხუნდება და რაღაცას შეცვლის, თუმცა, საბოლოო ჯამში, შედეგს გამოიღებს. სხვა ადამიანები გაიგებენ, რომ გაპროტესტებას აზრი აქვს", - განაცხადა ჯაფარიძემ.

"ბავშვისთვის სასიცოცხლოდ მნიშვნელოვანია მედიკამენტის მიღება, მკურნალობის ხარჯებს მთავრობა არ აფინანსებს" - 5 თვის ნიკოლოზს საზოგადოების დახმარება სჭირდება

საპატრიარქო - ასეულობით ყალბი პროფილის მეშვეობით საპატრიარქოს "ფეისბუქ" გვერდზე მორიგი ინფორმაციული შეტევა განხორციელდა

"მეტ-ნაკლებად მშვიდობიან ვითარებაში მოხდა კარვების აღება" - შსს-ს წარმომადგენელი ბოლო ცნობებით სოფელ ნამახვანიდან