რუმინელები, მას შემდეგ, რაც ნათლობიდან რამდენიმე საათში ბავშვი გარდაიცვალა, ნათლობის წესის შეცვლას ითხოვენ

ბოლო დღეებია მსოფლიო შეძრა რუმინეთში მომხდარმა ამბავმა - ნათლობის ცერემონიიდან რამდენიმე საათში 6 კვირის ბავშვის გარდაცვალების ფაქტმა და აღნიშნულმა დიდი გამოხმაურება ჰპოვა საზოგადოებაში.

მომხდარი ტრაგედია, შესაძლოა, რუმინეთში ნათლობის რიტუალის წესის შეცვლის საფუძველი გახდეს, ქვეყნის მოქალაქეთა ნაწილი ცვლილებას ითხოვს და ამ მიზნით პეტიციაც შეიქმნა, რომელსაც ამ დროისთვის 60 000 მოქალაქე აწერს ხელს. ცვლილებების მომხრეა მთავარეპისკოპოსი კალინიკიც, რომელიც რუმინეთში მართლმადიდებლური ეკლესიის სასულიერო იერარქიის უმაღლესი წარმომადგენელია.

როგორც მან რუმინულ გამოცემასთან საუბრისას აღნიშნა, ნათლობის წესს განიხილავენ და მიიღებენ გადაწყვეტილებას, რომელიც არც ეკლესიის წესდების საწინააღმდეგო იქნება და სამომავლოდაც საზოგადოებას ტრაგედიებს აარიდებს თავიდან.

როგორც BBC წერს, 6 კვირის ბავშვს ნათლობის ცერემონიისას გული გაუჩერდა მას შემდეგ, რაც სამჯერ ჩაუშვეს წმინდა წყალში. საავადმყოფოში გადაყვანის შემდეგ კი აღმოჩნდა, რომ მას ფილტვები წყლით ჰქონდა სავსე, რამაც გარდაცვალება გამოიწვია.

წყარო. BBC.com