მახინჯაურში 75 კატა დაიხსნეს, რომლებიც 10 კვ/მეტრ ფართობში იყვნენ გამომწყვდეული
მახინჯაურში 10 კვადრატულ მეტრ ფართობში გამომწყვდეული 75 კატა დაიხსნეს. ინფორმაციას ორგანიზაცია "პროექტი ცხოველებისთვის" ავრცელებს.
მათი ინფორმაციით, კატები აჭარიდან თბილისში გადმოიყვანეს.
"7 თებერვალს ორგანიზაციამ Animal Project რამდენიმე სხვა ორგანიზაციის და აქტივისტის ჩართულობით მოახერხა 75 კატის გადარჩენა, რომლებიც შემგროვებელს პატარა სივრცეში (10კვ.მ) ჰყავდა გამოკეტილი.
მსგავსი ოპერაცია პირველია საქართველოში, რომელიც დასრულდა წარმატებით, კანონის დაცვითა და ყველა ჩართულ მხარესთან შეთანხმებით.ცხოველები აჭარის რეგიონიდან ჩამოყვანილი არიან თბილისში. ამ ეტაპზე ყველა მათგანს ჩაუტარდა პირველადი დათვალიერება, შეფასდა მათი ზოგადი მდგომარეობა და დაენიშნათ მკურნალობის კურსი.
გვაქვს იმედი, რომ მომავალში საკანონმდებლო ცვლილებების დონეზე მოხდება შემგროვებლობის პრობლემის აღმოფხვრა და ეს პრეცედენტი ხელს შეუწყობს ამ პროცესის დაჩქარებას.ძალიან დიდ მადლობას ვუხდით საზოგადოებას და ყველა კომპანიას, რომელმაც აღნიშნული ოპერაციისთვის გაიღო შემოწირულობა.ყველა ხარჯი იფარება დონაციების საშუალებით" - ნათქვამია ინფორმაციაში.
"10 შვილი გვყავს და გვინდა 105 გვყავდეს" - თურქი ბიზნესმენი ბათუმში სუროგატი დედების წყალობით ოჯახურ იმპერიას აშენებს
სემეკმა სკოლის მოსწავლეებისათვის ენერგეტიკის შესახებ სპეციალურად შექმნილი მოთხრობისა და საგნების გადაცემა დაიწყო
