14 წლის გოგონა, რომელიც 2 თვის წინ გააუპატიურეს, ქობულეთში გარდაცვლილი იპოვეს

ქობულეთის მუნიციპალიტეტში 14 წლის გოგონა გარდაცვლილი იპოვეს. აღნიშნულ ინფორმაციას TV25.GE ავრცელებს. ტელეკომპანიის ინფორმაციით, შემთხვევა სოფელ ქაქუთში გუშინ მოხდა და ამ ეტაპზე უცნობია, ჰქონდა თუ არა გარდაცვლილს სხეულზე დაზიანებები.

"დაახლოებით, 2 თვის წინ გააუპატიურეს მოზარდი, ბრალდებული ბიჭი უკვე დაკავებულია. მომხდარის შემდეგ, გოგონაზე ოჯახის ერთ-ერთი წევრი ფიზიკურად ძალადობდა", - აცხადებს გარდაცვლილის ახლობელი TV25-თან.

როგორც საქართველოს შინაგან საქმეთა სამინისტროში Ambebi.ge-ს განუცხადეს, გამოძიება "სისხლის სამართლის კოდექსის" 115-ე მუხლით მიმდინარეობს, რაც თვითმკვლელობამდე მიყვანას გულისხმობს.