ავტორი:

"რუსეთ-საქართველოს შორის ფრენების განახლება დამოკიდებულია..." - რას ამბობს რუსეთის საგარეო საქმეთა მინისტრის მოადგილე

"რუსეთ-საქართველოს შორის ფრენების განახლება დამოკიდებულია..." - რას ამბობს რუსეთის საგარეო საქმეთა მინისტრის მოადგილე

რუსეთსა და საქართველოს შორის ფრენების განახლება დამოკიდებულია კორონავირუსის პანდემიასთან დაკავშირებულ სიტუაციაზე, ასევე ქართული მხარის მიერ იმ პირობების შესრულებაზე, რაც ქვეყნის ტერიტორიაზე რუსების უსაფრთხოებას უზრუნველყოფს, - ამის შესახებ რუსეთის საგარეო საქმეთა მინისტრის მოადგილემ ანდრეი რუდენკომ რუსულ მედიასთან ინტერვიუში განაცხადა.

”რაც შეეხება საჰაერო მიმოსვლის აღდგენას, კოვიდ-19-ის პანდემიასთან დაკავშირებული ცნობილი შეზღუდვების გარდა, ისევ მოქმედებს რუსეთის ფედერაციის პრეზიდენტის 2019 წლის 21 ივნისის განკარგულება „კრიმინალური და სხვა მართლსაწინააღმდეგო ქმედებებისგან რუსეთის ფედერაციის ეროვნული უსაფრთხოების უზრუნველყოფის ცალკეული ზომების შესახებ“, წარმოდგენილი 2019 წლის ზაფხულში ქართველი რადიკალების მიერ მოწყობილ პროვოკაციასთან დაკავშირებით. ამ განკარგულების გაუქმების პირობები რუსეთის ოფიციალური პირების მიერ არაერთხელ გაჟღერებულა“, - განაცხადა ანდრეი რუდენკომ.

რუსეთმა საქართველოსთან ავიამიმოსვლა 2019 წლის 8 ივლისს, 20 ივნისს განვითარებული მოვლენების შემდეგ შეწყვიტა.

სახლები, დეპოზიტები და ROLEX-ის მაჯის საათები - რა ქონებას ფლობს კალათბურთელი დეპუტატის ოჯახი

60 ათასი რუსთაველი მუნიციპალური ტრანსპორტით მგზავრობის შეღავათიანი ტარიფით ისარგებლებს

რესტორნებმა 6 თებერვალს თვითნებურად გახსნა გადაიფიქრეს - "მთავრობის გუშინდელი გადაწყვეტილება ყინულის გალღობაა"