"ეს უნდა გადაწყდეს მშვიდობიანად" - აშშ-ის საელჩო ნიკა მელიას საქმეზე გამოტანილ განაჩენზე განცხადებას ავრცელებს

ამერიკის შეერთებული შტატების საელჩო საქართველოში ხელისუფლებასა და ოპოზიციას თავშეკავების გამოჩენისკენ მოუწოდებს. შექმნილ პოლიტიკურ ვითარებაზე საელჩო განცხადებას ავრცელებს.

"მოვუწოდებთ ხელისუფლებას და ოპოზიციას, მაქსიმალური თავშეკავება გამოიჩინონ სასამართლოს დღევანდელი გადაწყვეტილების ფონზე. ძალადობა მხოლოდ მათ ემსახურება, ვისაც სურთ, შეარყიონ საქართველოს სტაბილურობა. ეს უნდა გადაწყდეს მშვიდობიანად,“ - ნათქვამია საელჩოს განცხადებაში, რომელიც სოციალურ ქსელ „ტვიტერში“ გამოქვეყნდა.

ცნობისთვის, ნიკა მელიას თბილისის საქალაქო სასამართლოს მოსამართლემ პატიმრობა მიუსაჯა. სასამართლო პროცესი ადვოკატების მოთხოვნით პირდაპირი ტრანსლაციის რეჟიმში მიმდინარეობდა. პროცესს თავად ნიკა მელია არ დასწრებია. ის "ნაციონალური მოძრაობის" ცენტრალური ოფისიდან ადევნებდა თვალ-ყურს სასამართლო პროცესებს და გადაწყვეტილებაც პირდაპირ ეთერში მოისმინა.