ავტორი:

"თავს და წვერს ვიპარსავდი და გავიგონე ტაშის ხმა..." - ნიკა მელია გიორგი გახარიას გადადგომაზე

"თავს და წვერს ვიპარსავდი და გავიგონე ტაშის ხმა..." - ნიკა მელია გიორგი გახარიას გადადგომაზე

"ნაციონალური მოძრაობის" თავმჯომარის ნიკა მელიას თქმით, მისთვის პრემიერ-მინისტრის გიორგი გახარიას გადადგომა მოულოდნელი აღმოჩნდა.

ამის შესახებ მან "ტვ პირველის" ეთერში განაცხადა.

მელიას განცხადებით, გახარიას გადაწყვეტილებას მიესალმება.

"დღეს ნამდვილად არ ველოდი მის განცხადებას. თავს ვიწესრიგებდი. თავს და წვერს ვიპარსავდი და გავიგონე ტაშის ხმა. როგორც ჩანს, ცხოვრებისგან ყველაფერს უნდა ელოდო. მისასალმებელია ეს ნაბიჯი. მე არ მერიდება, მივესალმო იმას, რაც მისასალმებელია" - აღნიშნა მელიამ.

ცნობისთვის, პრემიერ-მინისტრი გიორგი გახარია თანამდებობას ტოვებს. ამის შესახებ გახარიამ განცხადება რამდენიმე წუთის წინ გააკეთა.

როგორც გახარიამ განმარტა, მას გაუმართლებლად მიაჩნია ნიკა მელიას დაპატიმრება იმ პირობებში, როდესაც არსებობს პოლიტიკური ესკალაციის საფრთხე.

გახარიას თქმით, გადადგომის მიზეზია ის, რომ აღნიშნულთან დაკავშირებით გუნდთან შეთანხმებას ვერ მიაღწია.

"ჩვენ დაგამარცხებთ!" - ნიკა მელიას მიმართვა ირაკლი ღარიბაშვილს

"დღეს თუ ხვალ, მოვლენ მონები, ნიღბებით, ცრემლსადენი გაზით, ხელკეტებით - მინდა გთხოვოთ, ჩვენ დავუპირისპიროთ ბევრი ტაში, სიმღერა, ოვაცია" - ნიკა მელია

"რამდენიმე ადამიანი გამოვავლინეთ, რომლებიც ხელოვნურად ძაბავდნენ სიტუაციას" - გიორგი ბარამიძის თქმით, ოფისის შტურმის საფრთხე რეალურია