"გულწრფელად ვთხოვე ბატონ ირაკლის, მომცეს საშუალება, დავუბრუნდე ოჯახს" - რა თქვა ცქიტიშვილმა თანამდებობიდან წასვლაზე?

ინფრასტრუქტურისა და მდგრადი განვითარების მინისტრი მაია ცქიტიშვილი თანამდებობას ტოვებს. ამის შესახებ პრემიერ-მინისტრობის კანდიდატმა ირაკლი ღარიბაშვილმა „ქართული ოცნების“ ოფისში გამართულ ბრიფინგზე განაცხადა. მან მაია ცქიტიშვილს ქვეყნისთვის გაწეული სამსახურისთვის მადლობა გადაუხადა.

"პირველ რიგში მადლობა ასეთი დაფასებისთვის. მე და ბატონი ირაკლი 15 წელია ვიცნობთ ერთმანეთს, ბევრი ერთობლივი საქმე გვაკავშირებს. გულწრფელად ვთხოვე მას, მომცეს საშუალება დავუბრუნდე ოჯახს და გამოვიდე აქტიური პოლიტიკური ცხოვრებიდან.

მიხარია, რომ ირაკლი ქარსელაძე და ჩემი არსებული მოადგილეები, გააგრძელებენ ყველა საქმეს, რომელიც ერთობლივად წამოვიწყეთ. მისასალმებელია, რომ დავუბრუნდე ოჯახს" - აღნიშნა ცქიტიშვილმა.