შსს სპეცოპერაციის შიდა კადრებს ავრცელებს  - "ვიდეოში ასახულია, თუ როგორ ესვრის მყარ საგანს "ნაცმოძრაობის" აქტივისტი პოლიციას"

შინაგან საქმეთა სამინისტრო ნიკა მელიას დაკავების დროს, "ნაციონალური მოძრაობის" ოფისში გადაღებულ ვიდეოკადრებს ავრცელებს. უწყების ცნობით, კადრებში ჩანს, როგორ ისვრიან მყარ საგნებს პოლიციის მიმართლებით.

"ვიდეო, სადაც ასახულია, "ერთიანი ნაციონალური მოძრაობის" აქტივისტი თუ როგორ ისვრის მყარ საგანს პოლიციის მიმართულებით, რა დროსაც დაზიანდა იქვე მყოფი მოქალაქის ფოტოტექნიკა" - ნათქვამია ინფორმაციაში.

ცნობისთვის, "ნაციონალური მოძრაობის“ თავმჯდომარე ნიკა მელია დაკავებულია. შინაგან საქმეთა სამინისტრომ მელიას აყვანის სპეცოპერაცია პარტიის ცენტრალურ ოფისში გამთენიისას დაიწყო. ოპერაციის ფარგლებში შსს-მ სპეციალური ტექნიკა და სპეცდანიშნულების რაზმი გამოიყენა. გაუშვა ე.წ. წიწაკის სპრეი, რითაც პარტიის ოფისში მყოფი პირები დაშალა.

ნიკა მელიას დაკავებას წინააღმდეგობას უწევდა პარტიის ოფისში შეკრებული ათეულობით მოქალაქე, რომელთა შორის როგორც „ნაციონალური მოძრაობის“ წევრები, ისე სხვადასხვა ოპოზიციური პარტიის ლიდერები იყვნენ. რამდენჯერმე ჰქონდა ადგილი მელიას მხარდამჭერებსა და პოლიციას შორის დაპირისპირებას. ნიკა მელიას დაკავების გარდა, დარბეულია პარტის ოფისი, მათ შორის არქივის, IT-ის ოთახები.