"ბატონ ირაკლი ღარიბაშვილს ეძახა მონა" - რა წერია აქტივისტ ნოდარ რუხაძის დაკავების ოქმში
"სირცხვილიას" ინფორმაციით, მოძრაობის დამფუძნებელი წევრი ნოდარ რუხაძე, რომელიც დღეს პარლამენტთან დააკავეს, სასამართლომ 2000-ლარიანი გირაოთი გაათავისუფლა.
"შინაგან საქმეთა სამინისტრომ ნოდარ რუხაძისთვის პატიმრობის შეფარდება მოითხოვა, მოსამართლემ არ დააკმაყოფილა პროცესზე მოწმეების დაშვების შუამდგომლობა და საბოლოოდ, რუხაძე 2000-ლარიანი ჯარიმით გამოუშვა. დაკავების ოქმში წერია: ბატონ ირაკლი ღარიბაშვილს, საქართველოს პრემიერმინისტრს ეძახა მონა" - ვკითხულობთ "სირცხვილიას" "ფეისბუქის" გვერდზე გამოქვეყნებულ განცხადებაში.
რუხაძე დღეს პარლამენტის შენობასთან მას შემდეგ მივიდა, რაც "ნაციონალური მოძრაობის" ოფისში ნიკა მელიას დაკავების ოპერაცია ჩატარდა. ნოდარ რუხაძე, რომელსაც ხელში მეგაფონი ეჭირა, ცდილობდა ხმა მიეწვდინა საქართველოს პერემიერისთვის, რომელიც პარლამენტის ეზოში ესწრებოდა ცერემონიას, რომელიც 1921 წლის თებერვალში კოჯორ-ტაბახმელასთან დაღუპულ იუნკერთა ხსოვნისადმი იყო მიძღვნილი.
"სამარცხვინო მონებო! ღარიბაშვილო, შენ არ იმსახურებ იდგე მანდ და პატივს მიაგებდე იმ ადამიანების ხსოვნას, რომლებმაც თავი შესწირეს საქართველოს ტერიტორიულ მთლიანობას. შენ ხარ რუსეთის მონა! აკეთებ ყველაფერს, რომ საქართველო არ გახდეს ნატო-ს წევრი" - ასე მიმართავდა რუხაძე ღარიბაშვილს, რა დროსაც მასთან რამდენიმე სამართალდამცველი მივიდა და ძალის გამოყენებით ჩასვეს მანქანაში.
ვახო სანაიას ტვინის შერყევა დაუდასტურდა - რას წერს ტელეწამყვანის მეუღლე "ფეისბუქზე"?
რას პასუხობს ნიკა მელიას ადვოკატი პროკურატურას - "წარმოუდგენელი რაღაცები ილაპარაკა... ის გირაო აღარ არსებობს, შეცვლილია პატიმრობით"
