"ეს არის კოკაინის ყველაზე დიდი ოდენობა, რაც ევროპაში ოდესმე ამოუღიათ" - გერმანიასა და ბელგიაში რამდენიმე მლრდ ევროს ღირებულების 23 ტონა ნარკოტიკი ამოიღეს

გერმანიასა და ბელგიაში 23 ტონა „კოკაინი“ ამოიღეს, რომელიც ჰოლანდიაში გასაგზავნად იყო გამზადებული, - ამის შესახებ ინფორმაციას BBC-ი ავრცელებს.

გამოცემის ცნობით, მებაჟეებმა 16 ტონა „კოკაინი“ ჰამბურგის პორტში, პარაგვაიდან ჩატანილ ტვირთში აღმოაჩინეს. 7.2 ტონა კი ბელგიაში, ანტვერპენის პორტში. „კოკაინი“ სამშენებლო მასალების თუნუქის ქილებში იყო მოთავსებული.

„ეს არის კოკაინის ყველაზე დიდი ოდენობა, რაც ევროპაში ოდესმე ამოუღიათ და მსოფლიოში ამოღებული ერთ-ერთი დიდი ოდენობა,“ - აცხადებენ გერმანიის საბაჟო სამსახურში.

ჰამბურგის საბაჟო სამსახურის წარმომადგენელის განცხადებით 16 ტონა „კოკაინის“ ფასი დაახლოებით 1.5-3.5 მილიარდი ევროა.