ავტორი:

"ნეთანიაჰუმ "ფაიზერს" ორჯერ მეტი ფასი შესთავაზა... გაუგებრობას უფრო ჰგავს, ჩვენ რატომაც არ მივიღეთ ვაქცინა" - რას წერს აშშ-ში მოღვაწე ქართველი ექიმი?

"ნეთანიაჰუმ "ფაიზერს" ორჯერ მეტი ფასი შესთავაზა... გაუგებრობას უფრო ჰგავს, ჩვენ რატომაც არ მივიღეთ ვაქცინა" - რას წერს აშშ-ში მოღვაწე ქართველი ექიმი?

ამერიკაში, ჯონ ჰოპკინსის უნივერსიტეტში მოღვაწე ქართველი ექიმი მამუკა მაჩაიძე მიიჩნევს, რომ საქართველოში ვაქცინაცის დაგვიანებული მიღების მიზეზი გაუგებრობაა.

აღნიშნულთან დაკავშირებით მაჩაიძე პოსტს აქვეყნებს.

ის პარალელს ავლებს ისრაელში მიმდინარე პროცესებს შორის და ამბობს, რომ ქვეყნის პრემიერ-მინისტრმა ბენიამინ ნეთანიაჰუმ "ფაიზერს" გარდა იმისა რომ ორჯერ მეტი ფასი შესთავაზა (47$ 23-ს ნაცვლად), გამართულ ინფრასტრუქტურასა და დღეში 150,000 ადამიანის აცრას შეპირდა.

როგორც იცით, COVAX პლატფორმას აქვს უმეტესად მედიატორის როლი, ანუ ის თვითონ არ აწარმოებს ვაქცინებს და მთლიანად დამოკიდებულია ვაქცინის მიმწოდებლებზე. ფfაიზერსაც და მოდერნასაც მიწოდების პრობლემები აქვს ყველგან (მათ შორის ამერიკის ბევრ შტატში), რასაც ბევრი მიზეზი აქვს; ბალკანეთის ქვეყნებიც ელოდნენ რნმ ვაქცინებს და როდესაც ვერ მიიღეს დათქმულ დროს, დაემუქრნენ კოვაქს პლატფორმას ჩივილით; არ ვიცი რამდენად „დამატებითი რეგულაციების/გადაზღვევის“ მოთხოვნა ამის საპრევენციოდ გამოიგონეს თუ არა, მაგრამ არ მგონია რომ აპლიკაციის არასწორად შევსება იყოს ის მიზეზი, რატომაც ვაქცინა არ მივიღეთ, უფრო გაუგებრობას გავს. იმედია "ჩივილის" გაჟღერება შიდა ბაზარზე მოხმარებისთვის და გულის მოსაფხანად იყო გაჟღერებული, უბრალოდ არანაირ შედეგს არ გამოიღებს..

ისრაელი, პაულუ და ვატიკანი ყველაზე ადრე დაამთავრებს მოსახლეობის უმრავლესობის აცრას - ბოლო ორზე კომენტარს აზრი არ აქვს მოსახლეობის რაოდენობიდან გამომდინარე, მაგრამ ფაქტია რომ პაულუმ მოდერნა პირდაპირ შტატებიდან მიიღო და აქტიურად დაიწყო მოსახლეობის აცრა. რაც შეეხება ისრაელს - ნეთანიაჰუმ 17 შეხვედრა გამართა ფაიზერის CEO-სთან, გარდა იმისა რომ ორჯერ მეტი ფასი შესთავაზა (47$ 23-ს ნაცვლად), გამართული ინფრასტრუქტურა და დღეში 150,000 ადამიანის აცრას შეპირდა. პირადად ჩაუდგა ვაქცინაციის კამპანიას სათავეში და შედეგი უკვე სახეზეა.

პირდაპირ ვაქცინის მწარმოებლებთან მოლაპარაკების პრეცედენტები არსებობს, მაგრამ აქაც სწორი და გავლენიანი კონტაქტებია საჭირო. მაგალითად, თუ კონტაქტზე გახვალ Novavax-თან ან Astrazeneca-სთან, გადაგამისამართებენ Serum Institute-თან, რომელიც ინდოეთშია და ძალიან რთული ორგანიზაციაა საურთიერთოდ, მოკლედ ყველა მაღანჩინოსანი ჩემი აზრით პირადად უნდა ჩადიოდეს ამ კომპანიებთანაც და ასევე სხვა მეგობარი ქვეყნის ადმინისტრაციასთან პროაქტიური კავშირია საჭირო; ყველა წესის გვერდის მოვლა შეიძლება, ყველაფერი მოლაპარაკების საგანია.

ძალიან მნიშვნელოვანია იმ კომპანიებთან წინასწარი მოლაპარაკება, რომელთა ვაქცინებსაც ჯერ EUA არ მიუღიათ, ასეთია Glaxo/Sanofi და Novavax მაგალითად. რადგან რუსული და ჩინური ვაქცინის თემამაც გაიჟღერა „სულ არაფერს ხომ ჯობიას“ და „თუ ლოდინი არ გვინდა, ესენი იყოს“ მიზეზით, ჩემს აზრს დავაფიქსირებ - რუსეთმა ძალიან კარგად იცის რომ პირდაპირი მნიშვნელობით თავის ხალხზე ჩაატარა ექსპერიმენტი; ასევე კარგად იციან რომ არცერთი ჭკუადმყოფელი არ ენდობა პროცესს, შესაბამისად არც მათ ვაქცინებს, ამიტომ აქტიურად მუშაობენ მინიმუმ 2 ევროპულ მწარმოებელთან (ალბათ მეტთან) რომ "ჩერეზ" მათი ფილტრით და მათთან თანამშრომბლობით ჯანმოს ნებართვა მიიღონ, შემდეგ ჩვენთან რა ფორმულა შემოვა ღმერთმა იცის. მე პირდად, როგორც რიგითი ექიმი, ჩემს მშობლებს ახლოსაც არ მივაკარებ ასეთი გზით შემოსულ ვაქცინას და ვამხელ ყველანაირად, როგორც შემეძლება.

მთავარი რაც ახლა ჩემი აზრით ქვეყნის შიგნით უნდა კეთდებოდეს არის აქტიური კამპანია, რომელიც არ ნიშნავს მხოლოდ „უნდა აიცრა“-ს ძახილს. ადამიანების იმ ჯგუფს, რომელსაც გულწრფელი სკეფსისი აქვს, უნდა ავუხსნათ მათ შორის ისიც, რაც ჯერჯერობით არ ვიცით ვაქცინებზე და ისიც, რა რისკებს შეიცავს უვაქცინობა. ასევე, ვინ და რა სისტემაა პასუხისმგებელი, რომ მაგალითად ჩემს მართლა გმირ კოლეგას კახეთში ან აჭარაში, რომელსაც თავისი ნებით სურს აცრა, რიგში წინ არ ჩაუდგება რომელიმე გავლენიანი ან ფულიანი ჩინოვნიკი.

ვაქცინაციის თემა ერთერთი ყველაზე სენსიტიურია ყველა საზოგადოებაში და ამიტომაც მარტივია მისით მანიპულირება და ხალხის კიდევ უფრო დაპირისპირება, მაგრამ პარადოქსულად შეიძლება მაკონსოლიდერებელიც აღმოჩნდეს, სწორი მართვის პირობებში.."- წერს მაჩაიძე.

ვაქცინაცია და ონკოპაციენტები, ფეხმძიმეები და ფილერები... - აშშ-ში მომუშავე ქართველი ექიმი ხშირად დასმულ კითხვებს პასუხობს

"ხალხი მისტვენდა...მაგინებდა. თავს შეურაცხყოფილად ვგრძნობდი, უნებლიე შეცდომა არ მაპატიეს" - შოთა არველაძე საბერძნეთთან მატჩის მტკივნეულ მომენტს იხსენებს

"ხელები გაშავებია და ოთახში წაქცეულა... ნუ მომიკლავთ მამას" - რას წერს გოგი წულაიას შვილი "ფეისბუქზე"?