3 შეზღუდვა, რომელიც ორშაბათიდან მოიხსნება

საქართველოში ხვალიდან, 8 მარტიდან კორონავირუსის გამო დაწესებული შეზღუდვების ნაწილი იხსნება. შესაბამისი გადაწყვეტილება კორონავისურის გავრცელების პრევენციის მიზნით შექმნილმა საკოორდინაციო საბჭომ რამდენიმე დღის წინ მიიღო.

• ხვალიდან სამთო კურორტებზე არსებული საბაგიროები გაიხსნება, ასევე ეპიდემიოლოგიური სტანდარტებისა და რეგულაციების სრული დაცვით;
• ასევე, რესტორნები შიდა სივრცეებში ფუნქციონირებას განაახლებენ მთელი ქვეყნის მასშტაბით (იფუნქციონირებენ შაბათ-კვირის გარდა).
• მუშაობას განაახლებს არასასურსათო საცალო ვაჭრობა შაბათ-კვირის ჩათვლით, იგულისხმება როგორც მოლები, ასევე ბაზრობები.

რაც შეეხება შეზღუდვების შემსუბუქების შემდგომ ეტაპს:

• სპორტული დარბაზები ფუნქციონირებას განაახლებენ 15 მარტიდან განსაზღვრული რეგულაციების დაცვით;
• სასკოლო წრეები ასევე განახლდება 15 მარტიდან;
• თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას შეძლებენ 15 მარტიდან, ხოლო საქმიანობის სრულად აღდგენას (თეატრალური წარმოდგენები, სპორტული შეჯიბრებები მაყურებლის დასწრებით) 1 აპრილიდან.