სამოქალაქო აქტივისტები "ავლაბრის" მეტროდან მანქანებით მსვლელობას აწყობენ - რა ხდება ამ წუთებში აქციაზე

სამოქალაქო აქტივისტები "ავლაბრის" მეტროდან მანქანებით აქცია-მსვლელობას აწყობენ. აქციის მონაწილეეები სამგორის, ისნის და მთაწმინდის რაიონების გამგეობებთან მივლენ, შემდეგ კი რესპუბლიკის მოედანზე შეიკრიბებიან და მთავრობის ადმინისტრაციისკენ გადაინაცვლებენ.

ისინი რამდენიმე დღის წინ, "ტვ პირველის" ეთერში გასულ ფარულ აუდიო ჩანაწერთან დაკავშირებით მართავენ აქციას.

როგორც აქციის ერთ-ერთმა მონაწილემ, ბესიკ გაზდელიანმა განაცხადა, მოთხოვნებს შორის რიგგარეშე არჩევნების ჩატარება და პოლიტპატიმრების გათავისუფლება კვლავ ძალაში რჩება. გაზდელიანის თქმითვე, აღნიშნულ ჩანაწერთან დაკავშირებით, გამოძიება უნდა დაიწყოს, ასევე უნდა გადადგნენ ირაკლი ღარიბაშვილი და ვახტანგ გომელაური.