ავტორი:

დღის ფოტო: მეგანისა და ჰარის ოჯახური პორტრეტი - "ის ყველას აჩვენებს, როგორი უნდა იყოს სამაგალითო ქმარი"

დღის ფოტო: მეგანისა და ჰარის ოჯახური პორტრეტი - "ის ყველას აჩვენებს, როგორი უნდა იყოს სამაგალითო ქმარი"

დიდი ბრიტანეთის პრინცი ჰარი და მისი ცოლი, მეგან მარკლი ბრიტანული სამეფო ოჯახის ყველაზე პოპულარული წევრები არიან. მეამბოხე წყვილი, რომელმაც დაამსხვრია ჩარჩოები და უარყო სამეფო ოჯახის ტრადიციები, უარი თქვა მოძველებული წესებით ცხოვრებაზე, აშშ-ში, კალიფორნიაში ბედნიერად ცხოვრობს.

მართალია, ჰარის თავისი გადაწყვეტილების გამო მამა და ძმა არ ელაპარაკებიან, მაგრამ კარგი ურთიერთობა აქვს ბებიასთან, დედოფალ ელისაბედთან. ჰარი და მეგანი ამ დრომდე პრინცესა დიანას დატოვებული ფულით ცხოვრობენ, გარდა ამისა, მათ შემოსავალი აქვთ სხვადასხვა პოდკასტებიდან, რომლებშიც მონაწილეობენ. სამეფო ოჯახისგან დაფინანსებას აღარ იღებენ და ცდილობენ საკუთარი შეხედულებისამებრ იცხოვრონ.

"დედამ ფული მემკვიდრეობით დამიტოვა და როგორც ჩანს, გრძნობდა, რომ მისი მხარდაჭერა დამჭირდებოდა“, - ამბობს პრინცი.

პრინცის თქმით, ის ბედნიერია, რადგანაც ოჯახი - მეგანი და პატარა არჩი უსაფრთხოდ ჰყავს. მართალია, ბრიტანული პრესა უკიდურესად აკრიტიკებს პრინცს სამეფო ოჯახიდან წასვლის გამო, თუმცა რიგითი მოქალაქეების დიდი ნაწილი მას გადაწყვეტილებას უწონებს და თავიანთ დამოკიდებულებას სოციალურ ქსელებში კომენტარებით გამოხატავენ.

"მან ის გააკეთა, რაც ჩარლზმა ვერ შეძლო - დაიცვა თავისი ცოლი სამეფო წესებისგან და პრესის ბულინგისგან.“

"ბოლოს და ბოლოს, დედის გამო მთელ სამეფო ოჯახზე შური იძია.“

"პრინცესა დიანა ალბათ როგორ ამაყობს შენით“.

"როცა დაიანა გარდაიცვალა, ის პატარა იყო და ვერ შეძლო დედის დაცვა, ახლა კაცია და ყველას აჩვენებს, როგორი უნდა იყოს სამაგალითო ქმარი."

"პრინცმა თავისი მოქმედებებით ლედი დი გაგვახსენა, ღირსეული შვილია.“

"მეამბოხე ჰარი, ყოველთვის ვფიქრობდი, რომ ძალიან განსხვავდებოდი შენი ოჯახის წევრებისგან.“

სოციალურ ქსელებში მსგავსი შინაარსის არაერთ კომენტარს ნახავთ, თუმცა მათ გვერდით არიან ისეთებიც, რომლებიც წერენ, რომ მეგან მარკლი დრამის დედოფალია და ცოლ-ქმარს ფსიქოლოგიური მხარდაჭერა სჭირდება.

ახლახანს ფოტოგრაფმა მისან ჰარიმანმა წყვილის ახალი ოჯახური ფოტო გაგვიზიარა. ფოტოზე ჰარი, ორსული მეგანი და პატარა არჩია აღბეჭდილი. წყვილი ზაფხულში მეორე შვილის, გოგონას მშობლები გახდება.

თავად მეგანი და ჰარი ამბობენ, რომ მათი სიყვარული ზღაპრულს ჰგავს და უფრო ბედნიერები არიან, ვიდრე პრინცები და პრინცესები ზღაპრებიდან.

"გაიღიმე სიყვარულო, არაფერია შენს ღიმილზე უფრო ლამაზი" - როგორ ცხოვრობს რომანტიკოსი იტალიელი ფეხბურთელი სპინაცოლა, რომელმაც მილიონობით გულშემატკივარი შეიძინა

"იმ შამპუნს რომ უკეთებს რეკლამას, რითაც თავს არავინ იბანს, ესე იგი, "კოკა-კოლა" ყოფილა მავნებელი და ის შამპუნი სასარგებლოა?" - ჭყონია რონალდოზე

მონიკა ბელუჩისა და დევა კასელის ერთობლივი ფოტოსესია იტალიური Vogue-სთვის - "მონიკას სურდა, ეს ფოტოები შვილისთვის გზის დათმობის მანიშნებელი ყოფილიყო"