ავტორი:

"ხელიდან რომ გამომგლიჯა, ეტყობა არტერიაში მოარტყა... ბავშვს ახალი ნაჭამი ჰქონდა" - რას ამბობს დედა, რომლის 11 თვის შვილიც ცოლ-ქმრის ჩხუბის დროს გარდაიცვალა

"ხელიდან რომ გამომგლიჯა, ეტყობა არტერიაში მოარტყა... ბავშვს ახალი ნაჭამი ჰქონდა" - რას ამბობს დედა, რომლის 11 თვის შვილიც ცოლ-ქმრის ჩხუბის დროს გარდაიცვალა

გურჯაანში, ცოლ-ქმრის ჩხუბის დროს 11 თვის ბავშვის გარდაცვალების შემდეგ, გარდაცვლილი ჩვილის დედა პირველ კომენტარს აკეთებს. ვიდეო ჩანაწერს "ტვპირველი“ ავრცელებს.

"ხელიდან რომ გამომგლიჯა, ეტყობა ეგეთ არტერიაში მოარტყა... ანუ ახალი ნაჭამი ჰქონდა და ეტყობა, ყელში მოუხვდა და გაგუდა. აიყვანა და აჯანჯღარებდა. მე განწირული ხმით ვყვიროდი, ხალხო, მიშველეთ. არავინ არ მიშველა...განწირული ხმით ვყვიროდი, მეზობლებო, მიშველეთ...და არავან არ მომეშველა.“ - ამბობს დედა.

ჟურნალისტის კითხვაზე - "მამამ მოკლა ბავშვი?“ ქალი პასუხობს, რომ "კი, ბავშვი მამამ მოკლა."

ცნობისთვის, შსს-ს ინფორმაციით, გამოძიებით დადგინდა, რომ დაკავებულმა 1996 წელს დაბადებულ მეუღლეს ოჯახური კონფლიქტის დროს სიტყვიერი და ფიზიკური შეურაცხყოფა მიაყენა. აღნიშნული კონფლიქტის დროს ქალს ხელში ჰყავდა შვილი - 2020 წელს დაბადებული ბავშვი, რომელმაც გონება დაკარგა და გარდაიცვალა.

"შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ოჯახში ძალადობის ფაქტზე, 1985 წელს დაბადებული ზ.შ. გურჯაანის მუნიციპალიტეტში დააკავეს.

მცირეწლოვანი ბავშვის გარდაცვალების მიზეზის დადგენის მიზნით დანიშნულია შესაბამისი ექსპერტიზები. მომხდარ ფაქტზე გამოძიება სისხლის სამართლის კოდექსის 126-ე პრიმა მუხლით მიმდინარეობს" - ნათქვამია უწყების განცხადებაში.

"მაშველები, რომლებიც დაგვეხმარნენ, არ ამბობენ მთავარს, რომ იქ ფიზიკური შეურაცხყოფა იყო" - რა თქვა ვახო სანაიამ საქმის მასალების გაცნობის შემდეგ

"უნდათ იმ ინფორმატორის დადგენა, რომელმაც გადაწყვიტა სისტემა ემხილებინა" - რას ამბობს ნოდარ მელაძე პროკურატურის განცხადებაზე?

რას აცხადებს პროკურატურა "ტვპირველის" საქმეზე? - "პროკურატურა იმედს იტოვებს, რომ ტელეკომპანია გადმოგვცემს მათივე ეთერში გასულ ფარულ ჩანაწერებს"