"უკრაინას, უკრაინელ ჩინოვნიკებს ინვესტორებში "გადამგდების" რეპუტაცია აქვს" - მიხეილ სააკაშვილი

საქართველოს ყოფილი პრეზიდენტი, უკრაინის რეფორმების აღმასრულებელი კომიტეტის თავმჯდომარე მიხეილ სააკაშვილი აცხადებს, რომ უკრაინას უცხოელ ინვესტორებში „გადამგდების“ რეპუტაცია აქვს.

„უცხოური ინვესტიცია უკრაინის მთლიან შიდა პროდუქტში 2 პროცენტზე ნაკლებია, საიდანაც ნამდვილი უცხოური ინვესტიცია 0.2 პროცენტზე ნაკლებია,“ - განაცხადა სააკაშვილმა ტელეკომპანია Украина 24-თან საუბარში.

მისივე თქმით, ინვესტიციის გზით ქვეყანაში შესული ფული უკრაინელებისთვის სამუშაო ადგილების შექმნას უნდა მოხმარდეს.

„ეს კი არ ხდება. რატომ? იმიტომ, რომ „გადამგდები“ არავის უყვარს. უკრაინას, უკრაინელ ჩინოვნიკებს, სახელმწიფოს გადამგდების რეპუტაცია აქვთ“, - განაცხადა საქართველოს ყოფილმა პრეზიდენტმა.