"ჯადო აქვთ გაკეთებული - ძლივს ვაქცინა "დაითრიეს" და ევროპის 9 ქვეყანამ შეაჩერა ამ ვაქცინის გამოყენება" - რას წერს გია ხუხაშვილი "ფეისბუქზე"?
"აშკარად ჯადო აქვთ გაკეთებული. ძლივს ვაქცინა "დაითრიეს" და ზეიმის წინა დღეს ევროპის 9 ქვეყანამ შეაჩერა ამ ვაქცინის გამოყენება..." - ამის შესახებ "ფეისბუქზე" ექსპერტი გია ხუხაშვილი წერს, სადაც საქართველოში ვაქცინის პირველი პარტიის შემოტანას ეხმაურება.
საქართველომ COVAX პლატფორმის საშუალებით AstraZeneca/Oxford ვაქცინის 43,200 დოზა მიიღო, რომელიც AstraZeneca-SKBio-ს (კორეის რესპუბლიკა) მიერ არის დამზადებული. აღნიშნული ვაქცინის შეძენაში ქვეყნის მთავრობას გაეროს ბავშვთა ფონდი დაეხმარა.
ვაქცინაციის პროცესი 15 მარტიდან დაიწყება მთავრობის მიერ განსაზღვრული პრიორიტეტული ჯგუფებით, რომელთა შორის, პირველები სამედიცინო მუშაკები არიან.
ჯანდაცვის მინისტრის ინფორმაციით, შერჩეულია 82 დაწესებულება, სადაც 15 მარტიდან ვაქცინაციის პროცესი დაიწყება.
როგორც ეკატერინე ტიკარაძე აცხადებს, ყველა დაწესებულებაში ჩატარებულია შესაბამისი ტრენინგი და შემოწმებულია შესაბამისი აღჭურვილობა.
"ფემინისტთა სახლში ხომ არ ერევა ეს ღირსეული სასახლე" - ბესო ზანგური თამთა ინაშვილს პასუხობს და წერს, რომ დაწყებული კამპანია სტურუას წინააღმდეგაა მიმართული
"გურამ ჩალაგაშვილი დიდი ჯიპიდან გადმოვიდა და თავისი დიდი ტორით ისეთი სილა გამაწნა, რომ კინაღამ ბავშვი ხელიდან გამივარდა... არ გაეკაროთ მაგ მოძალადეს" - რას წერს ცისნამი საყვარლიშვილი
