"ისეთი აღჭურვილები ვსრიალებთ ექიმებსაც კი შეშურდებათ" - მოქალაქეები დისტანციის გარეშე, ფოტო გუდაურიდან

სოციალურ ქსელში გუდაურში გადაღებული ფოტო ვრცელდება. კადრებზე ჩანს, ზამთრის კურორტზე შეკრებილი უამრავი დამსვენებელი, რომლებიც დისტანციას არ იცავენ.

ფოტოს სოციალურ ქსელში გიორგი ვარსიმაშვილი ავრცელებს.

"სოციალური დისტანცირება გუდაურში. ფოტო გადაღებულია დღეს" - წერს ვარსიმაშვილი.

ფოტოს კომენტარებში ეხმაურებიან დამსვენებლები, ასევე საზოგადოების ნაწილი:

"ყველა პირბადით არის, და რა საშიშროებაზე ლაპარაკობთ, რამ გაგაბოროტათ!"

"ისეთი აღჭურვილები ვსრიალებთ ექიმებსაც კი შეშურდებათ, ასე რომ, სანერვიულო არ არის. ვისაც ეუხერხულება ნუ ისრიალებს ძალიან მარტივია"

"და საღამოობით ბარებში და/ან ერთმანეთთან ოთახებში სტუმრობა..."