გორში დაჭრილი 30 წლამდე მამაკაცი ალექსანდრე არჩუაძეა, მეტსახელად "ბოთე"

გორში ცეცხლსასროლი იარაღით დაჭრილი 30 წლამდე მამაკაცი ალექსანდრე არჩუაძეა (მეტსახელად "ბოთე"). დაჭრას წინ დაპირისპირება უძღოდა.

ახალგაზრდა მამაკაცი ცეცხლნასროლი დაზიანებებით კლინიკა ,,გორმედში“ გადაიყვანეს. ექიმების ინფორმაციით, პაციენტს გადაუდებელი ოპერაცია ჩაუტარდა.

შემთხვევა გორის შესასვლელში, სუხიშვილის ქუჩაზე, გაზგასამართი სადგურის მიმდებარე ტერიტორიაზე დღეს მოხდა.

ადგილზე სამართალდამცავები მუშაობდენ. ტერიტორიაზე, რომელიც პოლიციამ სპეციალური ლენტით შემოსაზღვრა, ფიქსირდებოდა ცეცხლსასროლი იარაღიდან გასროლილი ტყვიების მასრებიც.

შსს-ს ინფორმაციით, გორში მომხდარი დაჭრის ფაქტზე გამოძიება სისხლის სამართლის კოდექსის 117-ე მუხლის პირველი ნაწილით (ჯანმრთელობის განზრახ მძიმე დაზიანება) და 236-ე მუხლის მე-3 და მე-4 (ცეცხლსასროლი იარაღის მართლსაწინააღმდეგო შეძენა, შენახვა, ტარება) ნაწილით მიმდინარეობს.