სალომე ზურაბიშვილმა კორონავირუსის საწინააღმდეგო ვაქცინა პირდაპირ ეთერში გაიკეთა

საქართველოს პრეზიდენტი, სალომე ზურაბიშვილი კორონავირუსის საწინააღმდეგო AstraZeneca-ს ვაქცინით აიცრა. პრეზიდენტი ინფექციურ საავადმყოფოში მივიდა, სადაც მას კლინიკის დირექტორი, თენგიზ ცერცვაძე დახვდა.

შესაბამისი პროცედურის გავლის შემდეგ კი ზურაბიშვილს ვაქცინაცია ჩაუტარდა.

აცრამდე პრეზიდენტმა განცხადება გაავრცელა და მან საპასუხისმგებლო თანამდებობაზე მყოფ პირებსაც მოუწოდა მსგავსი ქმედებისკენ.

ცნობისთვის, საქართველოში ვაქცინაციის პროცესი 15 მარტიდან მიმდინარეობს.