კომაში ჩავარდნილი ექთანი გარდაიცვალა

კომაში ჩავარდნილი ექთანი, მეგი ბაქრაძე გარდაიცვალა. ინფორმაცია ოჯახის წევრებს ექიმებმა დაუდასტურეს. "თავიდანვე კრიტიკული იყო პაციენტის მდგომარეობა. მთელი ღამე უმძიმესად იყო. დღეს 12 საათზე გული გაუჩერდა... მოვახერხეთ მცირე სტაბილიზაცია, ჩავატარეთ კვლევები და მთელი ღამე ვებრძოდით სიკვდილს. დილით მცირე სტაბილიზაციას მივაღწიეთ, მაგრამ, სამწუხაროდ, პაციენტის გადარჩენა ვერ მოხერხდა", - განუცხადა ambebi.ge-ს პირველი საუნივერსიტეტო კლინიკის კლინიკურმა დირექტორმა ლალი ტურძელაძემ.

შეგახსენებთ, ახალციხის კლინიკაში 27 წლის ექთანს „ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია - ანაფილაქსიური შოკი დაუფიქსირდა. გუშინ ექთანი თბილისში, პირველ საუნივერსიტეტო კლინიკაში გადმოიყვანეს, თუმცა ექიმებმა მისი გადარჩენა ვერ შეძლეს.

ambebi.ge ღრმა მწუხარებას გამოთქვამს მომხდარის გამო და უსამძიმრებს გარდაცვლილის ოჯახს და ახლობლებს.