"ზედმეტად დაუჯერებელი იყო იქაურობისთვის..." - რას წერს იუბილარ გახარიაზე ყოფილი თანამშრომელი?

გიორგი გახარია, რომელიც პრემიერის პოსტიდან რამდენიმე კვირის წინ გადადგა, დღეს იუბილარია. ექსპრემიერი 46 წლის გახდა.

გახარიას სოციალურ ქსელში მეგობრები და ყოფილი თანამშრომლები იუბილეს საჯაროდ ულოცავენ. ანი ჭანკოტაძე, რომელსაც საჯარო უწყებებში გიორგი გახარიასთან მუშაობდა, წერს:

"ვერასდროს წარმოვიდგენდი რომ ამ ქვეყანაში ასეთი ადამიანი შეიძლებოდა ყოფილიყო პოლიტიკაში და წამყვან თანამდებობაზე. ზედმეტად კარგი იყო აქაურობისთვის, ზედმეტად დაუჯერებელი - ზედმეტად ნიჭიერი, ზედმეტად აღმატებული იმ ყველა უკმარისობაზე და ნაკლულებაზე, რასაც მარტო პოლიტიკაში კი არა - მთელ საჯარო სივრცეში ვუყურებ ჩემი დღე და მოსწრება ( ნუ, მას მერე რაც გონი და აზრი მომეცა )). ყოველთვის გამოუცნობ მოცემულობად მეჩვენებოდა ეს დიიიდი კონტრასტი.

"ასეთ ადამიანში" არ ვგულისხმობ უბრალოდ კეთილს, ან თბილს და მზრუნველს, ან განათლებულს და ნიჭიერს, - არამედ ისეთი პიროვნული განვითარების და მასშტაბის ადამიანს, რომელიც თავისი ბუნებით და თავისი არსებობით არის უკვე მოვლენა და რომელსაც რეალურად აქვს საკუთარი გრავიტაცია (ამიტომ ვერ იქვემდებარებს სიყალბის რუტინული ტენდენციები, ამიტომ გრძნობენ ადამიანები მისადმი შინაგან ნდობას -მათ შორის, ზოგჯერ ოპონენტები და ჰეითერებიც კი, რაც უნდა პარადოქსი იყოს )) რა თქმა უნდა ასეთი განვითარების პიროვნებები - მარტო პოლიტიკაში კი არა, ისეც ცოტანი არიან - საერთოდ სამყაროში" - წერს ჭანკოტაძე.