სისხლიანი გარჩევა რუსთავში, გოგონებს შორის - არასრულწლოვანი თანატოლმა ცივი იარაღით დაჭრა

რუსთავში არასრულწოვანმა გოგომ არასრულწლოვანი გოგო დაჭრა. ინფორმაციას "ინფო რუსთავი" ავრცელებს. შემთხვევა რამდენიმე დღის წინ მოხდა.

სააგენტოს ცნობით, თანატოლებს შორის კამათი სიტყვიერ დაპირისპირებაში გადაიზარდა, რაც ცივი იარაღით დაჭრით დასრულდა.

17 წლის გოგოს ჭრილობები თანატოლმა მუცლის არეში მიაყენა. დაშავებულს "კლინიკა რუსთავში" პირველადი დახმარება გაეწია და მისი მდგომარეობა დამაკმაყოფილებელია.

როგორც AMBEBI.GE-ს შინაგან საქმეთა სამინისტროში განუცხადეს, ფაქტზე გამოძიება 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.