კახეთში ავარიას ერთი ადამიანი ემსხვერპლა

კახეთში ავარიის დროს ერთი ადამიანი დაიღუპა. შემთხვევა წნორში მოხდა. ადგილობრივების ინფორმაციით, სწრაფად მოძრავი მსუბუქი ავტომობილი მოცურდა და საპირისპიროდ მოძრავ მანქანას შეეჯახა. სხეულის მძიმე დაზიანებებით ერთი ადამიანი საავადმყოფოში მოათავსეს, თუმცა მისი გადარჩენა ვერ მოხერხდა.

მომხდარზე დაწყებულია გამოძიება.