"არაფერი მძიმე ოპერაცია არ ჰქონდა გადატანილი...არაფერი არ აწუხებდა" - გარდაცვლილი ექთნის დედის პირველი კომენტარი

გარდაცვლილი ექთნის, მეგი ბაქრაძის დედა ტრაგიკული ამბის შემდეგ იტალიიდან საქართველოში დაბრუნდა და მან ჟურნალისტებთან პირველი კომენტარი გააკეთა.

ბაქრაძის დედა ამბობს, რომ მის შვილს მძიმე ოპერაცია გადატანილი არ ჰქონია და რომ მას არაფერი არ აწუხებდა:

“არაფერი არ ვიცი, მე მაგის საშუალება და მაგის თავი არ მქონდა, რომ მეკითხა... ჩემი შვილი ალერგიული არ ყოფილა. საკეისრო ჰქონდა გაკეთებული, არაფერი მძიმე ოპერაცია არ ჰქონდა გადატანილი. არაფერი არ აწუხებდა", - ამბობს გარდაცვლილის დედა.

ცნობისთვის, კომაში ჩავარდნილი ექთანი, მეგი ბაქრაძე 19 მარტს გარდაიცვალა. 27 წლის ექთანს "ასტრაზენეკას“ ვაქცინის გაკეთების შემდეგ, სავარაუდოდ, გვერდითი რეაქცია დაუფიქსირდა.