ჯო ბაიდენი აცხადებს, რომ 2024 წლის საპრეზიდენტო არჩევნებშიც კენჭს იყრის

აშშ-ის პრეზიდენტი ჯო ბაიდენი აცხადებს, რომ 2024 წელს მეორე ვადით კენჭს იყრის. ამის შესახებ მან პრესკონფერენციაზე განაცხადა.

"დიახ, ჩემი გეგმაა კენჭისყრა. ეს არის ჩემი მოლოდინი", - განაცხადა ბაიდენმა.

ამასთან ბაიდენის თქმით, ის ელის, რომ იმუშავებს ვიცე-პრეზიდენტ კამალა ჰარისთან ერთად. "ის შესანიშნავად ასრულებს საქმეს. ის შესანიშნავი პარტნიორია", - აღნიშნა პრეზიდენტმა.

შეგახსენებთ, ჯო ბაიდენი აშშ-ის 46-ე პრეზიდენტად 2020 წელს აირჩიეს.