"ნაპრალიდან მარცხენა ბლოკიც დინამიკაშია... ვარაუდს, რომ უფრო მეტი მასა დაიძვრება, საფუძველი აქვს" - თეა გოდოლაძე აზომვების პირველად შედეგებს აქვეყნებს

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორი თეა გოდოლაძე მაჭავარიანის ქუჩასა და მიმდებარე ფერდობზე ჩატარებული აზომვების პირველად შედეგებზე აქვეყნებს.

მისი ინფორმაციით, მყარდება ვარაუდი, რომ შესაძლოა უფრო მეტი მასა დაიძრას, ვიდრე მოსალოდნელია.

"მეწყრის ტანზე გეოდეზიური აზომვების პირველადი შედეგები. ისრებით მოცემულია მეწყრის ტანის გადაადგილების მიმართულება, ხოლო ციფრებით ფარდობითი გადაადგილების მნიშვნელობა.

შედეგის ტრენდი შესაბამისობაში მოდის აეროფოტო მონიტორინგთან, რომელსააც ასევე ვაწარმოებთ. შედეგების ანალიზი ემთხვევა ასევე ჩვენს მიერ ელექტოძიებით მიღებულ პროფილებს.

დასკვნა: ნაპრალიდან მარცხენა ბლოკიც დინამიკაშია. შესაბამისად ჩვენს ვარაუდს, რომ უფრო მეტი მასა დაიძვრება, საფუძველი აქვს.

ვაგრძელებთ მონიტორინგს, რათა პირველადი შედეგები დავაზუსტოთ.(გეოდეზიური აზომვა ყოველდღე, აეროფოტო 3 დღეში ერთელ, სიჩქარე მოცემულია სანტიმეტრებში). როგორც ხედავთ, შესაძლოა მთელი სხეულია დინამიკაში(მოძრაობს)" - წერს გოდოლაძე.