"მეც მქონდა გვერდითი მოვლენები..." - რა სიმპტომები გამოუვლინდა ჯანდაცვის მინისტრს ვაქცინაციის შემდეგ?
ჯანდაცვის მინისტრი ეკატერინე ტიკარაძე ამბობს, რომ ვაქცინაციის შემდეგ მასაც ჰქონდა გვერდითი მოვლენები, რაც სისუსტეში გამოიხატა, თუმცა საგანგაშო არაფერია.
აღნიშნულთან დაკავშირებით მან "რუსთავი 2"-ის ეთერში განაცხადა.
მისი თქმით, აცრის შემდეგ, მთელი კვირის განმავლობაში აქტიურად მუშაობს, რაც ნიშნავს, რომ ვაქცინას ყოველთვის არ აქვს გართულებები.
"თავს კარგად ვგრძნობ, მეც მქონდა გვერდითი მოვლენები, ეს იყო გამოხატული სისუსტეში, რაც აბსოლუტურად ნორმალურია. სხვა საგანგაშო არანაირი სიმპტომი არ მქონია. ალბათ აკვირდებით რომ მთელი კვირა აქტიურად განვაგრძნობთ მუშაობას.
ეს ადასტურებს იმას, რომ "ასტრაზენეკას" ყველა შემთხვევაში არ აქვს საკმაოდ რთული გამოსავლები. აქედან გამომდინარე, ალბათ კარგი იქნება რომ ვენდოთ მასაც, ისევე როგორც "ფაიზერს" - ამბობს ჯანდაცვის მინისტრი.
ცნობისთვის, ეკატერინე ტიკარაძე კორონავირუსის საწინააღმდეგო ვაქცინით საჯაროდ 23 მარტს აიცრა.
უნდა ჩატარდეს თუ არა რიგგარეშე არჩევნები და ეთანხმება თუ არა ხალხი ოპოზიციური პარტიების მიერ საპარლამენტო საქმიანობის ბოიკოტირება - IRI-ს გამოკითხვის შედეგები
LIVE - ეთერშია "დღის ნიუსრუმი"
