როგორია კახა კალაძის მდგომარეობა - ექიმი კომენტარს აკეთებს
თბილისის მერის კახა კალაძის დიაგნოზი მისი სპორტული წარსულითა და დღევანდელი დაძაბული სამუშაო რეჟიმითაა განპირობებული, - ამის შესახებ თსსუ-ის პროფესორმა, ანგიოლოგმა მამუკა ბოკუჩავამ განაცხადა.
მისივე თქმით, მკურნალობის ფონზე დადებითი დინამიკა აღინიშნება.
"კახი კალაძის დღევანდელი სამუშაო დიაგნოზია ვესტიბულოპათია, რომელიც განპირობებულია მისი სპორტული წარსულით, ასევე, დღევანდელი დაძაბული სამუშაო რეჟიმით. იგი არ საჭიროებს არანაირ ქირურგიულ კორექციას", - განაცხადა მამუკა ბოკუჩავამ.
ცნობისთვის, თბილისის მერს კახა კალაძეს ე.წ. ვესტიბულოპათია დაუდასტურდა.
"ვერტებრო-ბაზილარული სინდრომის შესახებ დიაგნოზი წინასწარ იყო გამოტანილი ერთ-ერთ კლინიკაში, რომელიც შემდგომი კვლევის შედეგად არ დადასტურდა. ის ატარებდა ე.წ. სამუშაო ხასიათს.
სახეზე გვაქვს არტერიული წნევის არასტაბილობა. სწორედ ამ მიზეზის გამო ის მოხვდა ჩვენს კარდიოლოგიურ კლინიკაში.
მას აქვს ე.წ. ვესტიბულოპათია. ეს არის ცენტრი, რომელიც არეგულირებს ადამიანის წონასწორობას. აღნიშნული დარღვევები განპირობებულია მისი სპორტული წარსულით და დაძაბული შრომითი განრიგით", - განაცხადა პროფესორმა ზურაბ ფაღავამ.
მეუფე სტეფანემ არქიმანდრიტი ათინოგენი სამღვდელო ხარისხიდან განკვეთა, რამდენიმე სასულიერო პირს კი მღვდელმსახურება აუკრძალა
"ეპიდვითარება უარესდება - შეიძლება საყოველთაო გავრცელება დაიწყოს" - ამირან გამყრელიძე
