ავტორი:

დროის რა პერიოდი უნდა გავიდეს ვაქცინის პირველი დოზის გაკეთებიდან მეორემდე და დაგჭირდებათ თუ არა ხელახალი რეგისტრაცია?

დროის რა პერიოდი უნდა გავიდეს ვაქცინის პირველი დოზის გაკეთებიდან მეორემდე და დაგჭირდებათ თუ არა ხელახალი რეგისტრაცია?

საქართველოში კორონავირუსის წინააღმდეგ ვაქცინაცია 15 მარტიდან მიმდინარეობს. პირველი პრიორიტეტული ჯგუფის, ჯანდაცვის სფეროს წარმომადგენლებს აქვთ საშუალება აირჩიონ მსოფლიოში ყველაზე პოპულარული ორი ვაქცინიდან რომელიმე. "ასტრაზენეკათი“ დღემდე 5000-მდე ადამიანი აიცრა, რაც საკმაოდ დაბალი მაჩვენებელია, იმ ფონზე, რომ ქვეყანაში 40 000-მდე ადამიანისთვის სამყოფი დოზაა ხელმისაწვდომი. სამაგიეროდ, დიდია მოთხოვნა "ფაიზერის“ ვაქცინაზე, რომლის მარაგიც მხოლოდ 15 000-მდე ადამიანისთვისაა განკუთვნილი.

ამ დროისთვის, ვაქცინაციის რეგისტრაციის ონლაინპლატფორმაზე "ფაიზერით“ აცრისთვის ადგილები თითქმის სრულად შევსებულია. როგორც დაავადებათა კონტროლის ეროვნულ ცენტრში გვითხრეს, ვაქცინაციის განმეორებით ეტაპზე ონლაინსისტემაში ხელახალი რეგისტრაცია საჭირო არ არის. ვაქცინის მსურველები სისტემაში მხოლოდ ერთხელ რეგისტრირდებიან და განმეორებით ვაქცინაციას შესაბამის სამედიცინო დაწესებულებაში ათანხმებენ.

რაც შეეხება ვაქცინაციებს შორის ინტერვალის რეკომენდირებულ ვადას, მედიაში საკითხზე განსხვავებული მოსაზრებები გაჩნდა. ერთი პოზიციით, ყველაზე ოპტიმალური 2-კვირიანი შუალედია, ხოლო ექიმების გარკვეული ნაწილი მიიჩნევს, რომ ვაქცინის პირველ და განმეორებით დოზას შორის 3-4 კვირიანი შუალედი უნდა იყოს დაცული. ამ საკითხზე ინფექციონისტ ალექსანდრე გოგინავას მოსაზრებით დავინტერესდით. ექიმის თქმით, საერთაშორისო სანდო კვლევების მონაცემებით, ორივე ზემოთხსენებული ვაქცინის შემთხვევაში, რეკომენდირებული ინტერვალი საშუალოდ 4 კვირაა, რასაც ინფექციონისტი ასე ხსნის:

"ზოგადად, ვაქცინის მიზანია, მოახერხოს ადამიანის ორგანიზმში იმუნური სისტემის აქტივაცია და გამოიმუშავოს ანტისხეულები. კვლევებმა აჩვენა, რომ ამ ორივე ვაქცინას, როგორც "ასტრაზენეკას“, ისე "ფაიზერს“ მიუხედავად იმისა, რომ მათ მოქმედების განსხვავებული მექანიზმები აქვთ, ერთნაირი ვადები სჭირდებათ ანტისხეულების გამოსამუშავებლად. ეს არის დაახლოებით 2 კვირა. ამ პერიოდის გასვლის შემდეგ, შეგვიძლია ვთქვათ, რომ ორგანიზმი უკვე დაცულია. მაგრამ რაც შეეხება განმეორებითი დოზის გაკეთების ვადას, სასურველია ეს 3-4 კვირიან შუალედში მოხდეს. ერთი ან ორდღიანი გადაცილება - ან იქეთ, ან აქეთ, არაფერს ცვლის. საშუალოდ, ეს პერიოდი უნდა იყოს გასული. ვაქცინით ერთხელ აცრაც გვიცავს, რადგან ის გამოიმუშავებს ანტისხეულებს, თუმცა კვლევებმა აჩვენა, რომ ორი დოზის შემთხვევაში უფრო მეტი და ძლიერი ანტისხეულები გამომუშავდება ადამიანის ორგანიზმში. სწორედ ამიტომ არის საჭირო მეორედაც ავიცრათ. მე მომდევნო კვირაში მიწევს აცრა და აუცილებლად ავიცრები", - ამბობს ინფექციონისტი.

საქართველოში დღეიდან "ფაიზერის" ვაქცინით აცრა იწყება

"მიღწეულის შესანარჩუნებლად აუცილებელია მოსახლეობამ უარი სთქვას ვაქცინაციისადმი სკეპტიციზმზე და დაუყოვნებლივ ჩაერთოს ფართომასშტაბიანი ვაქცინაციის პროცესში" - თენგიზ ცერცვაძე

"მინდა ყველამ იცოდეს სიმართლე, რაც ვრცელდება სოციალურ ქსელებში, არ წარმოადგენს ჭეშმარიტებას" - რას ამბობს ლევან რატიანი გარდაცვლილი ექთნის შესახებ